MOHAMMED's profileღღ *..ONE SWEET DAY..* ...PhotosBlogListsMore  |  Tools Help |
ღღ *..ONE SWEET DAY..* ღღMJ times (">)....أشد الصعـــــــــــاب تهووون بأبتسامة أنســــــــــــان واثق |
||||||||||||||||||||||||||||||||||||||||||||||||||||||||||||||||||||||
http://unocafe.net/
|
THIS IS A NEW WAY TO SAY YA I DO CARE CAZ YOU ARE MY FRIEND
5/31/2009 BAAACK :D صباح الخيييييييييييير
والاحساااااااااااس
والطيييييييبه
ترا انا ايمو
 ماتصدقو او ايش هههههههههه
كيفكم اخباركم ان شاءالله بخير
...................
بعد ماكتبت موضوع النسف في الاشياء الي سارت من قبل العرب لما سارت الحرب على فلسطين " الله يفك همهم" جاني زي الانسداد النفسي من الكتابه دام انو الصوت مايوصل غير لحد المعارف
لو صوتنا مسموع في الامور الي يبغالها اخد اراء اتمنا انو يكون صوتي من بين الاصوات المسموعه لانو انا اعبر عن الي في نفسي مو احد يلقني ايش اكتب زي اغلب الصحفيين
 ..... و الحمدلله صاحب قدره على توصل رأي او فكر سواء وافق معايا الطرف التاني ولا نوبوان شاءالله العالم السعودي والعربي كتير فيهم الخير من دي النقطه لانو سارت عقولنا منفتحه مو زي زومان
طويب
...........................
"القياده"
من بعد وجودي ككابتن في فريقي سواء وقت السله او القدم خخخخخخخ
دا الشي خلا قدراتي تزيد في التفكير وقوة الشخصيه وكدا يعني حلو تكون الأمر الناهي عشان تشوف هل تقدر تنصف الكل ولا نوب
وهدا سؤال للي يدخلو سبيسي لسع سواء صدفه او لانو يعرفني
ايش تقول عن موضوع القياده للفرد ؟ وهل انتا فيك مواصفات القياده؟ و هل مريت بموقف انحطيت في قائد وهل نجحت او فشلت في القياده دي ؟وهات امثله من موقفك الي سواء نجحت فيها او فشلت لو تحب تذكر؟
.............................
أيوه اخباركم علومكم ان شاءالله بخير
طبعا قبل كل شي احب اقول أني بخير ... ولو شوية مشاكل محد خالي منها
والي خالي من المشاكل ملاك
عندي مواضيع دراسيه شاغله بالي .. دعواتكم لانو دا اخر تيرم
ومواضيع مابعد الدراسه شاغله بالي
دراسيا هدا الريبورت حق البروجيكت شي يقرف.. انا اشوف في الافلام سواء العاديه او الوثائقيه انو المسؤول عن مثلا الطلاب في الغرب يكون فاهم شغلو ويسير يشتغل معاهم التيرم كولو ولما يخلصو يكونو فاهمين ايش كتبو عشان كدا يقدرو يناقشو .. مو بس نسخ ولصق لي نسبة 60% من التقرير ؟
بصراحه موضوع البروجكيت او مادة البروجيكت في الدراسه مره مهمه وحلوه لانو تخليك تطبق نظري وبطريقه عمليه بعض الي درستو
بس نادر تشوف التطبيق دا
في مدرسين يقولو للي معاهم من طلاب مثلا نبغا نسوي مشروع مثلا حساس يفك الباب معا دخولنا .. يقولهم اشترو جاهز ويجيبو يفكو ويجمعو تاني
ههههههههه اي القصه ؟
طيب بروجيكت معناتو شرا ولا تصميم من الصفر .. لما يكتبونا التقرير يقولو اكتبو من الصفر
يعني بكتب انو اشتريت من محلات الحسن للكهربا وبس هههه ولا اكتب انو كاسرتو في السعر
والله شي عجيب
وفي مدرسين مشاءالله ينحطو على الجرح شي غير طبيعي مشاءالله عليهم تمنيت اكون تحت يد مدرس زي كدا بس يالله حظي .. الي مسكتني انو مدرسي طيب والحمدلله يكفي
يالله ايش نسوي غير نقول الله يعدل الحال
دعواتكم بس
عندي موال في مخي لو سار كويس ..واقصد بموال يعني حلم هههه
اخلص دراسه واقدم على جامعه الملك عبدالله في ثول الموضوع من زومان في بالي بس معرف متى تخلص متى التقديم وكدا
فلو مر اي احد من هنا وقري الموضوع كامل يقولي لو يعرف شي
عورت راسكم صوح ههههههه
طيب نروح لموضوع تاني حاول اشوف ايش يطلع معايا
  طااااااااااايب
" تصوير تايم "
بالامانه بعد رجعة للكتابه اهو قلت احاول اختصر شويه عشان ترجع النفسيه كويس
الي يبغا يرجع لشي يرجع تدريجي مو مره وحده
بوريكم بعض الصور الي صورتها بنفسي وكانت حلوه بنظري قبل نظر البقيه
ويمكنها في نظركم مو حلوه عادي الاراء تختلف من واحد لواحد
 طبعا بعضها ايام الاختبارات الي فاتت
وبعضها في الاجازه
وليها طابع خاص نظرا لانو تعبت عليها بانو اروح وارجع واروح وارجع لين تعجبني وحده فيهم وكدا ههههههههههه
هدي الاولى
 ملاحظ انو دا انا صوح مايحتاج اقول عاد زي العامود مشاءالله ههههههههههههه
الصوره دي ليها قصه حلوه
كنت جالس طيب على اونو بعد ماخلصت شويه مذاكره
فكرت فكرت ايش اسوي موضوع ياربي مره
فجا في بالي موضوع اني مررررررره مشهور والببراتزي الي يلاحقو المشاهير يجرو ورايا
عاد كل الصور كانت بطابع ميستوري باين لانو مغطى الوجه كانو ايش اسمو
سناب شوت عاد ودا الي حصلو هههههههه
وبس طلعت دي بالفكره حقتها
...................
وفي دي برضو بس دي تعديل بالفوتو
عاد ن زومان ماجبنا سيرة رعشه هههههههه
وهوا دايما يحط صور هدايا وكدا فدي انا صورتها وقصيت الجزء الي انا فيلو وسويتو كدا وطلبت عليه توقيع بسيط وسوتو ليا اختي
LETCE
من اونو طبعا وجا معاها التوقيع الي تحت حطيتو فتره
دي الصوره حقتي طبعا معا تعديلي
 الي عندو برنامج يحفظ ملفات السويتش على الجهاز كانها صوره اتمنى انو يتفضل عليا برابط لانو دورت واستخدمت واحد بس ماشتغل معرف ليش
................
طيب وفي دي مره حسيت اني مصور وانا اصورها بجد ههههههههههه
ابويا ارسلني المسبح اشغل المكينه شويه
بس شوفت الحشره الغريبه دي
يعسوبه مدري يسعوبه والله نسيت اسمها مدري سرعوف او شي غريب هههه
عاد نسيت شغل ابويا وفررررررررررر على فوق اجيب الكميرا واخدلي صور من قريب وهيا تشرد
واتبع حركتها لين اعرف فين تنزل تاني اقوم اصورها تاني وزي كدا هههههههه
لين اهو طلعت الصور دي الخطيره
كاني بجد مصور فله ههههه
دي
 كانها بعيده صورتها طبعا بالمايكرو وطلعت كدا
مهي واضحه السر عشان ابين العالم الي وراها
يافي كميرات تسوي اشياء خطيره
بس دي قدرة الكميرا الي عندي كانت بس بجد خطيره برضو
المهم ودي التانيه
 عاد اتوقع واضح وصريح ومافي اوضح من كدا صوح هههههههههههه
ان شاءالله تعجبكم الصور
وعلى سيرة الصور
الهارديسك حقي ضرب وسمعت انو في ناس يطلعو المعلومات من هارديسكات مضروبه كيف معرف بس لو اي احد مر برضو ويعرف اي مخلوق يطلع ولو غالي يقولي او يعطيني رقم لانو بجد هارديسك فيلو صور ذكرياتي من عام 1424 وحرام تضيع وفيلو احلا ذكريات
 فبليز الي يعرف يقولي اوكيك
أشكر الضيوف الي يمرو على سبيسي اول بأول
واشكر الي كانو يمرو ولسع يمرو
.........
اختنا شهد تعرفوها كلكم
كانت في المستشفى الاسبوعين الي فاتت وماعرفت غير امس
قابلت صاحبتها ف يالمسن حقها وقالت شهد منومه وكدا والحمدلله تحسنت حالتها وراح تخرج اليوم
 الف الف الف سلامه عليكي ماتشوفي شر يارب
والله يفكك من المستشفيات وسيرتها دي ويرجعك لبتكم يارب
وان شاءالله تعدي السنه دي على خير يارب و يكون حفل التخرج يوم الثلوث حلو عليكي بعد المستشفى
الله يعطيكي الصحه والعافيه يارب
................
وحشني سبيسي والله ههههههه
ان شاءالله دي رجعه خفيفخ وادوام على الباقي بعدين ولو في الاسبوع
قرب موسم الاختبارات دعواتكم ^^
بايووووووو
1/1/2009 مجرد فضفضه لغزهبدون تعابير ولا اخراج فني وعملي لاحداث بلوجيه في سبيسي
هدي رجعتي بس قصيره
بكتب فيها صفحة عتاب قوي لكل من ساهم في مهزلة غزه
سعوديه ...مصر " قمة المهزله" ...اردن ...سوريا " قمة المهزله" ....امارات ...كويت "قمة المهزله "...... عمان ...اليمن" قمة المهزله .... ليبيا ...السودان " قمة المهزله " .....................................
والدول تزيد وتزيد وتزيد
دول اسلاميه وليست عربيه ...يجمعها الاسلام قبل مايجمعنا الحروف العربيه
غزه شي من منظومه المفروض تكون كالجسد الواحد ...لو تأثر ..تأثر لها باقي الجسد
بس للاسف اعتبرو انو الجسد دا مستأصل من سنة جدتي
مهزله عربيه بدرجة الامتياز
وزراء عرب يجتمعون ويحللون ويطالبو بالصلح بين حماس وفتح " صلح داخلي" مو كانهم شايفين انو في صوارخ قاعده تنزل على اكتر من 500 الف شخص
غضو النظر عن كل الصواريخ والقنابل الي راحو ضحيتها الين دحين 395 شخص من اطفال وشباب وبنات واولاد وعجايز
ياخوان ياعرب اليوم شوفت مقابله معا سياسي اردني
حبيتو الرجال هدا
نطق كلم الحق وقال هدي مو غاره عاديه
هدي الحرب
ووقت الحرب ماينفع المقابله
ينفع الرد المكيال بمكيالين
ياخوان الشارع العربي يحترق
انا واخويا وولد الجيران والي في الشارع التاني
نشوف دمان تسيل في التلفزيون ومحنا قادري نقول او نسوي شي
ياحكام اخجلو شويه اخجلو
اخجلو لما نلاقي انو طفل عمرو لايتجاوز 5 سنوات في قطاع غزه يقول كلمة حق
وانتو مكبلين تحت راية امريكا واسرائيل
اخجلو يال سعود ...اخجلو يال نهيان ...اخجلو يال مكتوم
اخجل ياحسني مبارك ...اخجل ياحافظ الاسد ....اخلج ياملك عبداللله حق الاردن
واللسته تطول
لو بيدي القرار كان انحلت المشكله
لانو المشكله واضحه وماليها حل تاني
يالقتال يالاذل
مافي شي تالت
من عام 1949 اتوقع وقت الغزو
لين يومك هدا متخذينالسياسه باب وعذر ليهم
ايت هبل دا؟ لسع نبغا ناخد قرار من الامم المتحده ؟
معقوله اوربا افضل مننا معقوله اوربا تقول بكل قوه انو اسرائل مهي فوق القانون ؟
معقوله ونحنا لسه نتضارب في مجالس عربيه ماليها لزمه ؟
نبغا واحد قائد عربي مجاهد وراح الكل يتبعو ؟
بديت احب صدام لانو ضرب اسرائيل بصواريخ هههههه
عبدالله ياابويا عبدالله ياصقر العروبه ؟
هدا مو لقب تحملو بفخر وانتا مقصوص الجناح قدام الي بيسير في غزه
عبدالله كلنا نحبك كلنا ..... وانا اولهم والله
بس الي يسير في غزه مايرضي مسلم ولا يرضي اي احد
الملك فيصل الله يرحمو عرف ليهم طريق واتخذو
وقالها في مقابله
يجب أزالة اسرائيييييييييييييييييييييييييل
خدها من منظار اكبر منك بيوم اعلم منك بسنه
حاول تمشي على خطا وشوف الشعب كيف بيكون وراك
ترا الشعب السعودي منتفض داخلا لانو مو قادر يسوي شي بجد
اشوف الثلاثي المرح الاسرائيلي ..اولميرت والتاني نسيت اسمو والبنت ديك
ودي ارمي وحده منهم بشي مايقومو طول حياتو
اختي الصغيره تقول تفو عليه
عرب عرب عرب
غزه تنادي
اخرجو من اثواب المنافقين اخرجو
ترا فينا خير لسع
...............................
فتح وحماس لازم يلاقو حل سويا
هنيه مو قادر يتخد موقف معا حماس لانو حماس ودها صلح
محد يرضا بالصلح في الوقت الحالي
الي قاعد يسير في فلسطين انقسام بين المسلمين
...................................
من وجهة نظري هدا زي الانقسام الي سار في ايام علي رضي الله عنه
سارو حزبين
لين مات علي وجا ولدو الحسن اتوقع او الحسين مدري والله سوا الصلح لمنع اراقة الدماء
اراقة دماء المسلمين مهي هينه
دام مافي عرب ومسلمين راضين يوقفو معا فلسطين
لازم يحاولو الفلسطين يوحدو صفوفهم على كلمه وحده
اما الصلح
اما القتال
ويوقفو الي قاعج يسير جوتهم
اسرائيل جيده في القتل صح
بس مهي جيده في القتال
فسلت في كل غزواتها
فمهي بالبلده القويه في التخطيط ويمكن تمديرها بسهوله
بس الراس الكبره امريكا
الله ينتقم منهم واحد واحد
.............................................
مجرد فضفضه بسيطه حبيت ارجع فيها لسبيسي
............................................
عذرا غزه
عذرا فلسطين
ولكن لايزال في العرب خائفين
ومنافقين
وضعفاء
سلام 11/6/2008 لبي قلبك ياسبيسي العزيز ^^ سولاااااااااام على الناس الطيبه أوي أوي أوي هههههههه
كيفكم يارب بخير ^^
وييييييي غبره كح كح هههههههه
مشي حالكم الظروف ^^
اليوم بعد غيبه نزلت موضوع وان شاءالله االجهاز يكمل بس هههههههه
لو صالح فتره يعني نقول ان شاءالله ^^
طيب
خليين اوضح شي قبل لا ابدأ موضوعي البسيط
قريت في سبيس رعشه سؤال حيه أو بالاصح..... تسأول كان نصو التالي
همممممم وينه ام جي ما اشوف له رد مختفي شوي عن السبيسات حتى لما اروح لسبيسه مالقى له جديد؟؟
عسى ماشر ؟؟؟
.
.
.
وعشان اوضح الي في بالي لازم اكون صريح والصراحه يمكن تكون صح ويمكن غلط بس هدا تفكيري انا يعين محد يقدر يغيرو
 وأتمنا أتمنا أتمنا محد يزعل مني طيب
شوفو يالغالين
قبل فتره مهي بعيده ولا قريبه كنا مجموعة زي الجروب خليني اذكر اسميهم احسن شي
إيموو , قموره , حيه أم راسين , طلال , المحبه , رايفه , هند , شهد , شيخه, أمل , و رعشه
هدولا الناس كانو مجموعة جروب
عقد جميل تواجد في سبيسي بشكل فرحني ... أخر العقد دا روحة حيه
الي استمر منهم والي ماستمر منهم بقا غالي وعزيز في القلب
طيب
وقتها كنت اتكلم معا كلكم بأنو هدا بيكون أخر جروب انضم لو في اي عالم وبأبتعادهم راح أبتدع عن عالمي هدا او اخفف دخلات
وبجد هدا الي خطر في بالي
هدا الي فوق تفصيل طيب
حلو
جينا لتفكير محمد
السبيس دا كان كل شي ينكتب فيلو للاشخاص دولا بدون أستثناء أحد منهم
والزورا لو جو والله اشيلهم على راسي من فوووووووووووق... وافرح بوجودهم بجد واتمنا مايقطعوني ابدابس كنت اكتب بمتعه عشان المجموعه الي ذكرتهم فوق
كنت احس بمتعه لما اكتب بجد
زي رعشه يتمتع لما يكتب خربشه عشان نفسو صح؟
انا اتمتع لما كنت احس اني اكتبلكم وانتو تقرو لي ودا بجد شي كان يخليني أطيــــــــــــــــــــــــــــر على سبيسي لانكم كنتو تجو بدون ولا ضغط ولا شي شاغلكم وتجو بفرحه
 نجي للحاصل دحين " اقصد في الوقت الحالي"
قموره >>>>>>تدخل سبيسي قرايه ونادر ماترد بس ليها بصمه حلوه طبعا لسع
حيه أم راسين >>>>>>ليها حياتها الي شاغلتها ..فين وفيييييين ترد ولو ردت بيكون مجامله عشان المعزه الي بيننا ..بس يظل ردها لو طعم حلو
طلال <<<<<<<<الله يستر عليه معرف عنو شي والله يوفقو طبعا
المحبه <<<<<<عندها مشاكلها الي خلتها تبعد عننا وتفتكرنا بين الفينه والاخرى..بس تظل تزورني بين فتره وتانيه
رايفه <<<<< بصراحه الوحيده الي تواصلت معايا في اخر كم بلوج ..معا كترة المواقع والاشغال الي عندها فربي يسعدها
هند>>>>الله يوفقها فين ماكانت دحين
شهد>>>>>طفشت من النت شكلها هههههه ..لا سنه تالت الله يوفقها وتنجح وتسير دكتوره فدا يخليها ماتدخل نت كتير وماتقدر تدخل سبيسي
شيخه >>>>>>نادر ماكانت تيج سبيسي بس ليها معزه تسوى جبال طبعا فبرضو عشانها اكتب والله
أمل >>>>>>بطلت تجي سبيسي بس لساعها اخت غاليه الله يوفقها فين ماكانت
ورعشه <<<<<<الوحيد الي في بس تعرفو انا ورعشه زي سنفور ذكي وسنفور غبي لا يتفقاااااااا هههههههه " طبعا انا الذكي " خخخخ
.
.
.
الزورا والله على عيني وراسي وجودهم يفرحني كتييييييييييييييييييييير جدا جدا جدا ي حالة كتر الف خيرهم وزاروني في اي موضوع
بس بجد وجود دول الي ذكرتهم فوق بشكل دائم يعطيني احساس انو لسع في ديك المعزه حقت زمان لكل شي خاص فيا
بعضهم بطل يجي من زوماااااااااان لكن في الوقت الحالي الكل" ماعدا الشيبه هههههههه" بطل يجي من زوماااان وزي ماقلت يجو تأدية واجب ليا كأخ ودا شي مايحمسني اني اكتب كتير
......
انا بتكلم عن المكان دا
سبيسي الي انا احبو عشانكم
انا لو كتبت محد بيقرا فيكم شي يمكن .... الكل مشغول بحياتو خلاص
ويمكن بتاخدوها بنظرية سطر وسطر بجد هههههههه لانو خلاص بجد محد فاضي يقرا بربرتي الكتيره منكم
وانا بصراحه ماحب اي احد من الي ذكرتهم فوق يسويلي اي شي مجامله .. ولو حسيت انها مجامله ازعل حتا لو رد عشرين سطر
(بس دقيقه افهمكم ايش اقصد بكلمة مجامله)
افهمكم من وجهة نظري الخاصه
هيا انو زي تأدية واجب اهو مريت عليك يالله في دا الشهر ...لاتنتظر مني كومنت غير بعد شهر تاني ههههههه
يعني مرور تأدية واجب لأخ عزيز فقــــــــــــــــــــط
انا من ناحيتي بجد وربي يشهد على كلامي الشي البسيط منكم يكفي وربي يكفي
بس برضو لما اسوي انا شي عشانكم اتوقع يكون وجودكم مملي الحته
فبذهابكم تم ذهابي او قلة دخولي
 ودا ردي على تسأل حيه الي فووووووووووق
بس ربي يسعدكم لحد يفكر اني مابنزل شي لا والله
حتى لو مريتو مره في السنه مرو بس اوكيك هههههه وربي وجودكم حلو
يمكن مره تمرو تحصلو موضوع او صوره هههههه حطفشكم صور واقولكم هاتو رأيكم
خخخخخخبقعد اكتب وكل شي بس مو بأحساس زومان لانو انتو تغيرتو على " المكان دا حقي" فلازم انا برضو اتغير عليه
.
.
اتمنا محد يزعل مني وهدي في الاخير فكرتي الخاصه
ووالله ثم والله انو وجودكم ولو بكلمه يفرح
يعني انا حاطط شات بوكس على الطرف لو اي احد مر وساب كلمه يكفي هههههههههه
فربي يسعدكم ولا يحرمني من تواجدكم ^^
وزواري لو لسع موجودن ههههه
لحد يزعل مني والله انكم غالين برضو ومنورين كل مانزلت شي ^^ اوكيك
وكلامي الي فوق من ناحية السبيسسسسسسس فقط أوكيك
 يعني لحد يقول وي ايشبو دا ههههههه لا والله بس هدا سبب اني مو مهتم فيلو كتير
وان شاءالله الكل فهمني
ماتوقع من الي ذكرتهم فوق بيقرو كلامي كلهم ويمكن محد يقرا خير شر
بس لو قريوها تلاته او اتنين اكون وصلت سبب اني بطلت اكتب زي زومان بمتعه ^^
وسلامتكم
طيب خلصت الجزء دا
.
.
تعرفو التصوير زي الهوايه الي ماعرف اتقنها كويس صح هههههههههه
بس يعني معا الفرجه على التانين وكدا الواحد يحاول
فصورت صوره بجد عجبت الكل في اونو لدرجه كاموووو ربي يسعدها اخدتها وعدلتها بالفوتو وطلعت زي الفل الصوره هههههههه مشاءالله طبعا عليها
الصوره دي
 عشان اعرف رعشه بيقول فين المعنى والصوره لازم معنى ومدري ايش ههههههه
فلا فيها معنى ولا شي
التفاصيل الدقيقه والدقه في انو الارقام الي قدام باينه والي ورا لا... وعرض الصوره هيا المهاره الي حاولت اتقنها
وطلعت صوره عجبت الكل الحمدلله حبيت اوريكم هيا ^^
 هاتو رأيكم لو تحبو ^^
على سيرة التصوير
اليوم لما وصلت جده على طول نزلت مطره ... طبعا سمعت انو مو انا السبب أحم أحم... لاني خير لانو المطره ليها قريب الاسبوع تنزل هههههههههههه
طبعا احبطت بس قلت عادي مو مهم
المهم
طلعت السطوح مدري الصطوح وطلعت فووووووووووووق
مساكين الجيران الي كانو في الشبابيك قفلو شبابيكهم عشان خافو من كميرتي قاعده تصورهم ههههههههه
والله ولا جو على بالي
 انا كنت ابغا اصور الرعد بالاصح
بس ماقدرت .. حظي زي وجهي كل ماحطيت تايمر واصور كدا صوره ورا بعض ويوقف ..يقوم يجي الرعد
اعيدها مره اتنين تلاته نفس الشي وربي قلت حظي مره مو حلو ههههههههههه
فجمعت اغراضي ونزلت وقلت للجيران اسفين على الازعاج
ياخوفي بكره يجو عند ابويا يقولو كان بيصور اهالينا ههههههههههه
رحت فيها
 أخر شي زي النقاش بسيط للي يحب يناقش طبعا
أمريكا وماأدراك مامريكا طبعا كلنا نعرف اوباما الي فاز صح
يستاهل اتوقع لانو النسبه كانت كبيره لصالحو في الانتخابات فيستاهل
كدا الانتخابات ياعرب مو زيكم
 ماعلينا
انا الي قاصدو الاهتمام الكبير من (القناه السعوديه ألاولى والتانيه والعربيه ككل) للانتخابات كانو أمر يهمنا كمواطنين
يعني بفهم وبصراحه لو الامر يهم العالم على حسب قول الاغلبيه
ليش ماكل القنوات نقلتلها ؟
في برنامج يجي في الجزيره يقول " هل الاتخابات الامريكيه بهرجه للناس ؟" يعني شي عشان يشغلو الناس فيها بس
وللاسف اكتشفت "أنا" انو كاوادرنا الصحفيه كرست جهد كبيييييييير بجد وتشكر عليه من قبل الحكومه الامريكه لو تبغو هههههه
قبل اليوم بفتره بدأت المتابعه... كانو يجيبو مقابله ومدري ايش وفله
يعني يمكن تابعنا الانتخابات من نقطة الصفر
بفهم ياخوان هدا ايش لو علاقه بالشعب السعودي ؟
اوكي زيادة ثقافه ؟ طيب مايجيبو الموضوع على الهوا مباشره انا قابل ...كومان ليش مايجيبو الانتخابات البرازيليه او الاسبانيه او النيجيريه او الماليزيا او الخ ؟ ولا دي مو ثاقفه السعوديين يعني ؟
بس محلل سياسي وناقد ومقابله معا مدري مين ؟ عشان الانتخابات الامريكيه ...ي اخي عسا عمرو محد فاز فيهم ههههههههه انا أشلي كسعودي مواطن بالموضوع؟
بفهم ايش الفكره الي بغو يوصلها بال ايش يسمو دا الضخ الاعلامي الهائل للشعب السعودي عن امريكا
ترا للمعلوميه الحكومه والشعب السعودي ...او اكون بالاصح الخليجي وخاصه السعودي
مايقدرو يتخلو عن امريكا شبر
مثال خارج الموضوع خخخخ
شوفو سوريا ربي يكتر من امثالهم
قفلت الجامعه التمريكيه في بلدها وخرجت المدرسين منها ورجعتهم امريكا عشان خلاف او شي زي كدا
المهم مو دا موضوعي
انا سؤالي يقول
انتا معا الي سار لفتره شهر كامل من متابعة القنوات السعوديه للانتخابات بطريقه جيده جدا ؟ ولا ضدها؟
وسلامتكم
هههههههههههه
دخلت في السياسه
لو ماكتبت مره تانيه ترحمو عليا هههههههه
ايش اسوي طيب زواري شيبه ومتزوجه وثانويه وسياسه و جامعه كنديه وبحرينيه وكويتيه ودكاتره او موظفين ليهم هههههههههه
.
.
.
ان شاءالله ماغيب كتير عن سبيسي ^^
الى لقاء قريب ان شاءالله
سولامووووووو ^^
EmooO 9/24/2008 مونااااااا 20 + نقاش بسيييط ^^ سولااااااااااااااام
موضوع قصير بس خطير ههههههههه
 عاد السنه الي فاتت زي دا اليوم بس مدري لو نفس دا الوقت
كانت في بنت اسمها قموره عمرها 19 سنه
طبعا
انا اقول انو كل مواليد شهر رمضان ناس فيهم البركه مدري ليش ههههههه
وعلى حظ مونا
اليوم اليوم الوطني فغنو معايا
سارعي للمجد والعلياااااااا ..الخ الخ الخ خخخخخخ
وبرضو لساعنا في رمضان فقولو معايا
طنج طنج ططنج السحور ياصايم خخخخخ
واخر شي يوم ميلاد مونااااااااا
هابي بيرذ دي تو يو ...الخ الخ الخ
كل شي مفرح والله هههههه
 بصراحه ربنا يامونا ماعندي فوتو شوب
وعندي فقر في الصور الي من تصويري
بس راح احط صورتين طيب
 شي بسيط
ادري مو حلو هههه بس بجد شرحت ظروفي فوق
كل عام وانتي بخير ياختي الصغيرونه ^^
ودي أكييييييييييد تعرفي ليش ههههههههه
 ها فاكره
خخخخخخخخخكل عام وانتي بخير والله يطول عمرك في طاعتو ان شاءالله ^^
نعم الاخت والله
الي يحب يبارك يتفضل
 موضوع تاني بس على شكل نقاش يعني اهو بسيط
زي ماذكرت فوق كلنا عارفين انو اليوم اليوم الوطني السعودي صح
والله يديم علينا نعمة السلام والامن والخير في دي البلد الي اتوقع انو مااراح اشوف زيها
بس انا كنت اصلي التهجد في المسجد طيب
وجالسين نسمع بواري الناس وطوط طوط ومدري ايش والخ وفرحه مابعدها فرحه بجد ^^ تقولو عرس ههههه
بس مدري
هل تقولو انو الاحتفال واظهار الولاء والفداء للوطن افضل من قيام يوم يمكن يكون ليلة القدر؟
يعني بعضهم بيتعذرو يقولو عادي فرحه ونفرح ..اش فيها نصلي التهجد يوم تاني دي ياخوان لازم نسويها عشان نوري للناس قديش نحب السعوديه
بس صلاه التهجد ياخي نصليها بعديييين عطو خير
بصراحه كان نفسي اوقف واحد من الشباب الي قعدو يشجعو ورافعين الاعلام واغاني "وطني الحبيب" وأسألو ايش ردو على سؤالي
بس مدري
اترك الجواب للي يحب يجاوب ^^
بايوووووو
EmooO 9/1/2008 رمضان كريم على الكل ^^ كل عام وانتو بخييييييييييير ^^
ينعاد علينا وعليكم بالخير يارب
يب صح قاعد اهرج عن رمضان عن ايش يعني هههه لحد يجي يقولي عيدك سعيد ...بعرف انو حشاش هههههههه
يارب يكون خير عليكم وعلى كل اهلكم ^^
وانشاءالله فيلو تتجمع القلوب على بعض ويسامح الي زعلان من احد التاني
ولو في احد زعلتو انا ياريت ياسمحني
كل من مر هنا او راح يمر يعتبر شخص عزيز عليا
ربي يسعدكمفي رمضان الي فات كانو موجودين ناس في حياتي ...ورمضان دا راحو
ومضان دا في ناس في حياتي جدد
وماكانو في زومان
دي حال الدنيا اهم شي لحد يزعل من احد وصدقوني كوووووولنا اخوان هنا
 اوكيك طيب
صورة صوره عاديه لا هيا حلوه ولا بايه بس لما صورتها حسيتها تدل على رمضان مدري ليش ههههه
 ها كيف هههههههههه
ادري عاديه
بس مدري واي عجبتني ههههههههه
عاد كل عام وانتو بخير دا صلب موضوعي ^^
وبرضو دا مقطع للي يحب يشوفو ويضحك شويه
ولد خالي الحبيب عمده حبيبي هههههههه فاكها كاااااااااااي ربي يسعدو ^^
عاد حملو لو حبيتو لانو حلو ههههههه
يالله ربي يسعدكم
اول يوم رمضان يارب تكتبلنا ذكريات حلوه ^^
الي يحب يكتب موقف حصلو في رمضان من الي فاتو يقول اوكيك
يالله نراكم في موضوع قادم ان شاءالله
واعدكم بمواضيع عن الطبخ من تحت تعليم الشييييييييييييف شـــــــــــــــــ........................ اشوقكم بس
هههههههبايوووووووو
EmooO
8/10/2008 قصص من عظماء التاريخ المعاصر خخخسولاااااااااام عليكم جميييع ^^
كيف حالكم يس يس انا رجعت إيمو
رجع في حالة لسع أحد فاكرني ههههههههه
كيفكم أن شاءالله بخير
طيب انا وعدت ناس انو راح اكتب قصه من راسي وتأليفي على سبب تسمية النك نيمز للاشخاص الي اعرفهم
بحاول اخليها تضحك قدر الامكان ورومنسيه وثقافيه وكل شي ههههههههههه
..............
بس قبل كل شي صورة صورتها انا اعتبرها حلوه بنظري لاني تعبت عليها هههههههه
اتعدل عليها بشوية فوتوشوب من اختي كيوتي الله يسعدها
 لكل واحد دخل
 اعطونا رأيكم بصراحه
طيب نبدأ بسم الله
أول شي نروح لقصة تسميه الشيبه حقنا ...رعشة هدب
زي منتو عارفين كان رعشه قبل اسمو فاقد حنان ... حنان دي كانت جارتهم في البيت في حي النعيم ...المهم رعشه كان مجنون في حبها معنو كان صغير بس تعرفو حب مراهقين وكدا ايش نسوي
..المهم حنان دي تولعت برعشه حب قوي قوي جدا بس للاسف ابو حنان كان معارض الحب دا
مره من المرات الي كان رعشه يروح عند بيتهم ويدق البوري حق البسكليته الي يقول "طوووووط طوووووووط" ماطلعت حنان من الشباك ...مره تانيه مافي امل ...مره تالته بعدو مافي امل ... شويه زعل رعشه ...بس فجأه اترمت ورقا من الشباك حق بيت حنان وكان مكتوب فيها "يارعشه تراني ماقدر اشوفك غير وحده مره في الاسبوع ...السبب ابويا الله يهدي مو راضي يخليني اطالع من الشباك غير مره وحده عشان اتنشق هوااااااا ... فاتمنا انك تتحمل غيابي ...فمن ديك اللحظه سار اسم رعشه ايش؟ فاقد حنان
فجأه رعشه غير إسمو من "فاقد حنان " الى "رعشة هدب " والسبب زي ماشرحت امس للحضور انو مره من المراريت الي كانت فيها حنان تطالع من الشباك رمت ورقه مكتوب فيها " يافاقد تراني لما اشوفك يرعش قلبي """" فقال الفارس المغوار فاقد .. انا ياحنان من اليوم رعشه عشااااااانك ...قالت انتا رعشة هدبي والله
ففرح رعوشي وخلاص قرر يغير إيسمو من فاقد حنان الى رعشه هدب ^^
وتوته توته
طيب تاني شخصيه
المحبه صاحبة القلب الحنون يابختها
ام الاشعار هدي قصتها قصه تدخل فيها اغاني وفله ...وبعدها عن حبيب القلب سبب ونه ...ااااااااااااخ منك ياونه.... ويش سويتي في قلبي بالحَنه ...ابي اهدي حبيب قلبي ُفله... بس لازم اشوفه قدامي كاني في الجنه...ياقلبي اهدا تراك حيرتني مده ...يازمن ارجوك رجع حبيب قلبي القرصان هنه
هدي المحبه لو فاكرين كانت تهرج عن البحر وعن تلوث البحار ... مو على الفاضي ترا لااا بس لانو هيا ليها صولات وجولات معا قرصان اسمو هنه
دا القرصان مره نزل الراسيه على ميناء البحرين والمحبه كانت تشتغل هناك جرسونه المهم دل القرصان ونه ووقتها كان يغني " المحبه في القلوب الا حبك أنتا لا ...أنتا حبك من حياتي وأغلا من كل الغلا" المحبه كانت تعرف الاغنيه دي وتحبها فجات عند القرصان وسارت تدندن الاغنيه بصوتها الحلو استغرب القرصان ...شويه سألها قالها يابنت الاجاويد انتي ويش اسمك؟
ردت عليه المحبه وقالت : عادي أي شي يعجبك
راح قالها : انا راح اسميكي المحبه
هممممومن هنا المحبه حبت الاسم ...المهم جا القرصان هنه عند ابو المحبه وقالو ياعمي انا طالب بنتك على سنة الله ورسولو ...ابو المحبه كان يبغا المحبه تاخد واحد من اهل البلد فاصستصعب الموضوع شويه فقالو ... ياقرصان هنه انا ابغا منك طلب لو جبتو راح يكون ليك ماطلبت ...قال القرصان اطلب من واحد لمليون
قال ابغاك تعدي البحار السبعه ... وعند البحر رقم سبعه ونص راح تلاقي بيت ابغاك تدخلو وتسأل صاحب البيت عندكم فصفص بدون ملح؟ "وقتها كان في طفره على الفصفص" خخخخخخخخخ.... قال القرصان حاضر ومايرضيك ياعمي بيجيك ...ودع القرصان حبيبتو الي اطلق عليها اسم المحبه وسارت االمحبه من هداك اليوم تقول الاشعار وتتكلم عن تلوث البحار لانها مقهوره من البحر الي ماردلها حبيبها من داك اليوم
 وتوته توته
 طيب تاااااالت شخصيه
أختي حيه الله يوفقها فين ماكانت ^^
هدي قصتها عجيبه غريبه ...... لانو فيها حديقة حيوان
المهم دالك اليوم معا اهلها وهيا يمكن كم هممم عمرها 10 سنوات كانت البنت قايله لابوها ابغا حيوان اليف ...ابوها كان شويه معارض الفكره لانو مايحب الحيوانات الاليفه "المعروفه عند كل البشر" هههههههه فقالها مافي لا بسه ولا ارنب ولا شي ... سوت حنه شويه ورفعت خطاب للملك انو ابوها مو راضي يجبلها "حيوان اليف" جا الخطاب انو لبي لبنتك طلبها لو سمحت ...وافق الابو انو لبي لبنتك طلبها لو سمحت ...وافق الابو مسكين عاد خطاب ملكي
قام ودا حيه على الفيفا في جده قالت ولفلفت وماعجبها ولا شي مررررررره لا فار ولا بسه ولا شي مره المهم الابو احتار معاها فكر فكر قال اقولك يمكن البنت في طور مراهقه خليني ايش ..اوديها على حديقة حيوان يمكن خلاص تعبي الفله وتخلص وتروح ههههههههه راحو على حديقة الانعام السعيده وهناك حيه تعلقت بحيه ليها راسين.. مررررره عفركوش ركب راسها الا تاخد دي الحيه بيتهم هههههههه ياهو من هنا لهناك غيري رأيك شي ههههه...مافي امل مره ههههههههه...ابويها يقول انتي تبغي حيوان اليف مو مفترس
قالت نووووفوافق الابو مسكين مجبور وسارت كل مايدخلو على حيه غرفتها يحصلوها معا دي الحيه حتا الاغنيه المشهوره الي هيا دايم تغنيها حقت " ياحيه طبي في قدرهم" هههههه او شي زي كدا من تأليف وأخرج الفنانه جارتهم الي تعرف قصة حيه معا الهدا الحيات ههه
وبكدا انتهت قصة حيه ام راسين ^^
رابع شخص شهد
بس لقب شهد الفجر البعيد ونحنا مساكين فضحناها في كل محل شهد شهد ههههههههههه
قصة شهد سهله باين من عنوانو الفجر البعيد
هدي ياطويلة العمر ...شهد اول مره صامت طيب مسكينه تحسب الصيام سهل .... بس تعلقت فيلو مرررررررره وسارت عكس الناس
الناس يقولو ياربي متا يجي المغرب عشان نفطر ...وشهد مشاءالله عليها تقول متا يجي الفجر عشان ايش؟ نبدأ صيام ههههههههه
فمشاءالله عليها امها لاحظت دا التعلق القوي بالصيام "حتا لو كان بالدس" هههههههه
لكنها كانت تقول يااااااااااااربي الفجر البعيد دا يالله نبغا نصوم ههههههه فاول مايقول الله واكبر اذان الفجر تسوي حفلة شهد وقتلو هااااااااااااي اخيرا الفجر البعيد وصل ونورنا ههههههههه
قصتها احلا قصه وافيدها هههههه
وعلى حظها رمضان قرب فيالله رددي مقولتك المشهوره ياربيييييي الفجر البعيد دا هههههههههه
 خامس شخص قموره
شبيه القمر
الي تغنو فيها الشعار قبل الكتاب هدي عاد ليها قصه مشهوره وتداولتها الصحف والجرايد على شتا بقاع المعموره ههههههههه
يقولك كان في شاعر شمالي ... يحلم كل يوم انو القمر في بيتهم يحلم ويحلم ... لين مره قال لااااااا هدي حالة لاتطاق لازم اشوف مين القمر دا الي يجيني في احلامي
وكل يوم سمع عن بنت صغيرونه يقولولها قمر ساكنه في الشرقيه ...راح لين بيتهم ودق الباب...فكت البنت دي وقالت " مين تبي" بلم الرجال محلو
 قال انتي مين ؟قالت انا قمر ...قال لو سمحتي ابي ابوكي ....دخلت البنت تنادي ابوها يبابا يابابا في رجال يبغاك ..جا وقابل الرجال...قام حكا الرجال قصة الحلم
فقالو لااااااا انتا غلطان ....معقوله بنتي هيا قمرهم كلهم ههههههه ماصدق الابو ...." كانت في خرافه صينيه تقول انو لكل 5 اجيال تظهر تلاته حالات للقمر في البشر" فكان في شك كبيييييييير انو دي الحاله منهم ههههههه
فاقلو مافي غير حل واحد ...نادوها وجات وقالت نعم يابابا ويارجال غريب ...قالو نبغاكي تطلعي في المرايه لو سمحتي ( شبيه القمر مالو انعكاس من قوة النور حقو
) فصح طالعت وطلع انو هيااااااااا شبيه القمر على الارض حركااااااااتفاي احد يتغنا بالقمر يعني ايييييييييش ..يتغني بقموره حقتنا
وبكدا طلع عنها الشطر المشهور الي يقول من قبل الكاتب ايمو المنفلوطي خخخخخخمين قال القمر واحد فهو غلطاني .... هدي قمورتنا اهي وسط كل انساني
خخخخخخخ
وبكدا سارت القصه مشهوره وانعرفت انها احلا من سندريلا وهديك علي بابا والاربعين حرامي ...يابختك ويابخت عريسك هههههههه
 سادس شخص منسية العالم أمل
من كتر ماالعالم نسيوها نسيت قصتها
خخخخخخخخ لا امزح أمل الله بس ...كانت تقول كل شويه ياماما ليش تجيبي حلاوه لاخواني وانا لا
وكانت تبكي ... ومعا كل بكيه تقول ياربي ليش نسيتوني ياأهلي لين مره راحت البقاله ونفس الشي نسي راعي البقاله ياخد منها فلوس وهيا انبسطت قالت ايوه
خلوني منسية العالم عشان كل مره اخد حلاوه مجاني خخخخ
وبكدا ركب الاسم عليها
 سابع شخص ترنيموووو
أو ترنيمة الرحيل ...صاحبة المحبه
ودي قصتها مربوطه بشكل ما معا المحبه
كانت ترنيمه بنت ضعيفه مره حالها حال نفسها .... فلما سمعت انو خبر صاحبتها مقهوره لانو ماردلها حبيبها من البحر ...قالت خاطرة الرحيل المشهوره وغنتها بصوتها "بس شريط مانزل الاسواق
"وقالت فيلو "مقطع بسيط" قالتياصاحبي الا تسمع ترديد صديقتي لكلمات معبره مثل...ارجع ...باك ...وينك أنت ووين انا الي غناها عبدالمجيد عبدالله
ياصاحبي تفطرت قلبونا من كتر البكاء أرجع اقول لك لا ادوس في بطنك
أرجع لا استأجر قاتل مأجور يأتي لنا برأسك الجميله
رأسك التي حبتها صديقتي الغبيه خخخخخخخخ"ضحكت ترنيمه دي" ارجع
لا أعرف بمذا افكر حينما تأتي على خاطري...أأفكر بذالك الطباخ الذي يرافقك ..لقد كان وسيما لكن ياخساره كان مفلسا ولن اتزوج طباخا مهما حصل
أم افكر بذاك الملاح ذو العضلات الكبيره ايل بها يستطيع تحطيكم رأسي وأس عشره من أمثالي
أاااااااااااااخ بمذا أفكر صدقتي المحبه لقد تعبت وسوف اترك لكي هذه الخاطره لترنميهها بين ليله واخرها ...وانا سوف أذهب للنوم لان امي تقولي لا "تعالي حلي واجباتك يامال الفله" خخخخ
أستمرت صداقه المحبه وترنيمه على أمل رجوع البحار القرصان وطاقمه المغوار بلا فائده
خوساره وبكدا ركب عليها اللقب
هههههههه تامن شخص رايفه بانوراما
زومان رايفه زعلت مني على لقب سطوح
...بس دحين سرت شخص عزيز عليها الحمدلله فاقدر اتريق عليها شويه هههههههههرايفه كان طاغي عليها الحنيه والرأفه بكل شي ...الانسان والحيوان وحتا الجماد ...لدرجه انو لما احد من معارف رايفه يسوق السياره بسرعه تطلع رأفتها وتقول "حراااااااااام " دي مو مخلوق ليها مشاعر تحس لو مشيت بسرعه
<<<وتسوي كدا فداك اليوم على حظها كانت راكبه سياره معا مين مين نقول خالها طيب
فاراد الله انو يسوو حادث بس بسييييييييييط لدرجه الاضرار ماتعد ولا تحصى من قلتها ... فالاخت نزلت وحصلت انو الاضرار يب بسيطه بس على قلبها كبيره شويه وسوت
لازم طبعا خدش في بوية السياره ....وفاة عددد اربعة نملات .... جرح بسيط في يد خالها
مما ادى الى بكائها بكاء شديد لرقة قلبها
ومن هنا طلع اسمها
وبانورما دا الجروب الجديد حقه اأنضمو لو لانو فله ...كيف نقت الاسم اقولكم ...لانو في داك اليوم حق الحادث بالتحديد كانت تسمع ام بي سي بانوراما
وبس تاسع شخصيه شيخوووووو
الكتاب باين من عنوانو
كان في قبيلتين ...وحده بنو شرمبح ...ووحده بنو فيث
كويسالمهم خال بنو فيث كان متضارب معا جد بنو شرمبح على قطعة كتكات أثريه
...شويه شويه قتل الخال غدرا طبعا بالشوكه وبلاستك فشيخه صدمت وقالت سوف اكون شيخه شيخه بنو فيث
وقررت تاخد تار خاليها ....فجاها منالها وحطت سم فيران في غيلون جد بنو شرمبح ثم اصبحت زعيمه وقائده الائمه لقبيلتين مهمه في تاريخ الاتحاد السوفيتي خخخخخخخخ
وبكدا انتهت قصة شيخه بأنها اصبحت شيخه شيخه
عاشر شخص
ندى أم الرخى والشده زي جده
ندى دي مسويه كانت عقد او اتفاقيه معا اهلها الي هيا هيا اتفاقيه يوم ليكم وليكم ليا
تمنيت اقدر اسوي زيها بس ياخوفي انفرش ههههههه..ماعلينافداك اليوم كان يومها طيب ...وفجأه وهيا ماشيه ...شافت على الورده قطرت مويه
.... قعدت تقول ياربي ايش الشي الحلو دا لازم اصورو واري امي فراحت طيران على امها تقولها
ماما ماما ايش المويه على الورده دي ...الام استغربت لانو توقعت انو اخدت الكلمه في الدراسه ...قالتلها روحي هناك بلاش خفة دم مني ناقصتك
 ...قالت ندى لا لا جد ياماما ماعرف اسمها فامها استغربت وقالت جد جد ماتعرفي الاسم حقت اسم قطرة المويه على اي سطح مو لازم الورده ؟ قالت والله يامي معرف ماعطونا هيا في العلوم خخخخ
فامها فكرت وقالت طيب راح اعقد معاكي اتفاق .... تغسلي الصحون لمدة شهر كامل واقولك ..فكرت ندى وقالت اوكي ...فامها قالت اسمها ندى
وندى اعجبت بالاسم وقالت خلاص انا اسمي اليوم وكل يوم ندى ...وتوته توته
خلصت الحتوتهأشخاص جدد في حياتي بس ليهم مكانه حلوه حبيت اقول قصصهم برضو خخخ
الريموو
الريم دي بنت عمي .... الريم زي محنا عارفين معنا الغزال صح .... المهم هيا كانت تقول لابوها "كان صياد" بابا نبغا قرون غزال
انتا كل شويه تجبلنا قرون فيل فيل فيل هههههههه طفشنا منها نبغا قرون الريم
فديك المره جابلها ابوها غزال كامل ..... فسارو يسموها في البيت حبيبة الريم ههههه ..وبكدا طلع الاسم ^^
 كيوتي الدبه
هدي انسانه عسل ...وكانو يبغو يسموها ختيشبه لانو كولو عاوز يخطبها
مشاءالله فداك اليوم جاها خطيب عسول كدا وفله طيب .... المهم جا وقت الشوفه وهيا دخلت تشوفو فداك قال وااااااااااااو كيوت
استغربت هيا تقولو نعم
؟أيشبك تتغزل من صباح رب العالمين ؟ قام يقولها لا لا مو قصدي انتي هههههههههه قصدي اللوحه الي وراكي هههههههههقالت دحييييييين قدامك كل دا الجمال وتطالع في اللوحه ...مالت عليك هههههه
فداك راح بلا عوده ومسكت كلمة كيوووت على البنت دي ههههههه
فرووتي
باين كانو في البيت بس يقولو يابنت كلي خضار كلي خضار
تقول لااااااااا بدي فرووت بدي فرووووووووت ...مكان يفرق معاها خوخ ..فروله ..موز ...تفاح ..مشاءالله عليها كل شي ههههههه
فداك اليوم دخلت الدانوب وسارت تقول فييييين قسم الفروت فييين قم الروت ابيه ماليش دعوه
وعليها اتمسك الاسم
 دودي شرطه فرررررررررر
هدي تحب شي اسمو حرف أم
فداك اليوم قالت لوحد كان ماشي في الشارع لو سمحت ابغاك تجبلي قصه فيها حرف ام من مكتبة جريرطلعت فوق راسو تلاتين علامه استفهام ...قال انتي ماتعرفي مين انا ؟ قالتلو لا مين ؟ قالها انا رئيس المافيا "هوا شافها بنت حلوه فقال لو عقلو خليني اسوي نفسي قدامها يمكن تحبني
" فقالها انا دون خون حرامي ...قالت والنعم ممكن طلبقالها اطلبي من واحد لمليون قالت ابغاك تصرق مكتبة جرير وتجبلي قصه تبدأ بحرف أم قالها ابشري ...وحط الخطه وكل شي عشان يصرق المكتبه ..فقلما صرق المكتبه وخلال ماهوا يصرق تداهمو الشرطه ...وطلعت دودي اسم على مسمى لانها شغاله معا الشرطه
بس برضو دفعت فلوس القصه الي بحرف الام خخخخخخخخخ وبكدا تنتهي قصتها
 فلحد يفكر يمزح معايا لانو عندي حميه أخر شي كارلا
كارلا اسمها مشتق من حاجتين
كار+ لا
طبعا كلنا عارفين الكار ايش ... السياره صح ...فهيا كانت تخاف من السياره من صغرها ...فكل ماجو يسافرو او يروحو محل
يقولو يالله نخرج نتمشا وهيا تعلق على كلمتين
كار لا ...كار لا ...يعني سياراه لا ههههههههه بس هيا كانت كتكوته ثقافتها انجليزيه ههههههههه
وبكدا مسك عليها اللقب
 وبكدا أكون خلصت ^^
طبعا بلوج خفيف مشترك من زومااااااااااان ماسويت كدا هههه بس يالله قلنا نرجع نفرفش شويه كجروب وانشاءالله يكون وصلنا للمقصد ^^
وزي مابديت البلوج بصورة ورده من تصويري بلاااااااخ ادري
بختمها بصورة ورده من الريمووووو وشوفو الفرق ههههههههه
قولو مشاءالله وبس قولو انشاءالله إيمو يسير زي كدا هههههههههههههه
الى بلوج جديد والسموحه للكل من نسيتو بس كلكم عزيزن وغالين والله
سولام ^^
EmooO
7/17/2008 هههه وربي فرحت انو كدبه ابريل مالت عليكي&
&ربي يعطيكي العافيه يارايفه هههههه
وربي منتي صاحيه
بس بجد اخت عزيزه الله لا يحرمنها منها هههه
 ................
................ ولكم ياك يالي جمعتنا شربه وحده
هههههههههالله يطول عمرنا في طاعتو ^^
7/13/2008 ^^ حتوحشونيسولام ^^
سيتم اخد اجازه من قبل أحم أحم أحم إيمو لكل شي متعلق بال
MSN
من سبيس و ايميل و ماسنجر ^^
كم الفتره الله العالم خليها على ربك ^^
بكون متواجد في النت في اونو لين ارجع محمد الفرفوشي
بس يبغالها فتره تفكير لوحدي بعيد عن الي يعزوني لاني ماحب اضايقهم ^^
ربي يسعدكم جمييييييييع ^^
دعواتي ليكم
باي ^^ 7/4/2008 من هنا وهنااااااااك ^^ سولاااااااااااام ^^
كيفكم واخباركم ...تصدقو اني اكتب في دا البلوج اسبوعين والله هههههه كتبتو تلاته مرات وكل مره يايعلق الجهاز ومره مارضي ينحفظ وبالغلط الي سويت لو كوبي سيفت فوقو وزي كدا ههههه بس عادي ..اصلا والله في التلاته مرات الافكار كل وحده فكره مشي حالك
طيب طبعا انا نجحت الحمدلله وبالمختصر الدرجات كالتالي
B,C+,C,C,D+
يعني الحمدلله خمسه مواد وفله ........... ودحين انا مخلصه اجازتي وفي القرف التيرم الصيفي هههههههه فخلينا بعييييييييييد عن مود الدراسه لا هنتو حبايبي لأني مني طايقها ههههههه
طيب
.........
خليني في شوية سطور أبارك لتلاته اشخاص في حياتي اعتبرهم اخواني واخواتي ربي يسعدهم كلهم
 ابارك لأخويا تركي "الحشاش" خخخخخ على قدوم بنتوه في حياتو ربي يسعدها ويحفظها ويخليها لو ... حاجزها من دحين لولدي خخخخخ ..لا بجد ربي يسعدها
بندر حبيبي "البنك المتنقل" ههههه على قدوم بنوته في حياتو برضو ..بس بنت بندر اكبر من بنت تركي باسبوع ..يعني اعلم منها بسنه هههه ..ربي يسعدها ويحفظها لو
وشهد اخر عنقودنا في النت ربي يسعدها .... جاهم اخو عسل زيهم ربي يحفظو ويخلي ليهم يارب ^^.... عاد لاتنسي ظمي لقائمة المطلوبين معا ملاك والشله هههه
 وعلى سيرة الطفوله صورت صوره ليا وانا صغيروووون هههههههه وجمبي بنت عمي
 يواد قاعد أضحك من يومي ههههههههههههههههه
الضحكه دي خفت خفت خفت معا الايام لين مدري شكلها راح تنقرض يوما ما ههههههه
الله يكون في العون
الشحص دا هوا الي تعرفو كلكم ان شاءالله كان نعم الاخو ليكم
طيب هدي بنت عمي ملكتها بعد اسبوعين على ولد عمي الله يسعدها يارب ويسعدو ا شاءالله
الزمن يمشي ...كنا مانمشي ...سرنا نحبي ..سرنا نمشي...وبعدين راح نقعد وراح نرجع مانمشي ^^
حكم هههههههه
طيب نشوف عن نبغا نهرج هممممممممم
تصدقو سارلي موقف حلو في منتدى اونو دل انو الواسطه لسع ماتدخل في كل الامور ؟ ههههه بجد اهرج
حتا لو انو الموضوع عادي يعني منتدى وكدا بس بجد التعامل الراقي من الطرفين + الاخد والعطا بحدود وبدون زعل من الطرفين هيا سمات التعامل الراقي وياريت بجد كل سعودي عندو دي المواصفات بس للأسف 90% همهم فلوس فقط
..........
الموقف بالمختصر انو المدير العام الي ماعرفو ولا عمرو قابلتو ولا حتى سلمت عليه أرسلي على الخاص يقولي " تعاملك معا الكل راقي لذالك تم ترشيحك لكي تصبح "مراقب عام على اونو" قلت ويحك ..
انا اعتذرت في البدايه لانو حسبتو يقلي مشرف ..فرسلت رساله بكل ادب انو اعتذر ...
رجع ارسلي انو انتا فاهم غلط ...نبغا تسير مراقب مو مشرف ...
رجعت رسلتلو ممكن اعرف المراقب العام ايش وظيفتو طيب؟ ..
فشرحها وقلتلو ارد عليك تاني يوم ...
وانتها الموضوع بس حرصني اني التزم بفتره زمينه محدده لانو الوقت مهم عندو قلت على عيني بردلك تاني يوم ...وبجد نمت وكل شي ..وبصراحه كنت مخطط اني ارفضها ...بس كلمت كم واحد ووحده عندي في النت قالو خدها تراها فله ..قلت يسير خير بكره ان شاءالله
........
تاني يوم رحت على حصة اداره ..وسمعت كلمة "مفاوضه "
عجبتني الهرجه قلت خليني اقول شروطي دام اني ابغا اخد شي ..وقلت والله لو وافق انا موافق ..وبجد رسلتلو شروطي بكل ادب ..طبعا هوا لهجتو لغه عربيه فصحى وانتو تعرفو محمد كيف لهجتو كاني واحد فله هههههههه بس حاولت اخلي الرساله رسميه على اقل قدر وهمممم الحمدلله قدرت هههههههه .... بس بالامانه رفض طلب من طلباتي قمت قلتلو خلاص ان شاءالله تحصلو بدالي مراقب عام لانو مشاءالله تبارك الله اونو بجد فيلو ناس تستاهل اكتر مني ^^ وبس توته توته .......
عجبني تعامل المدير دا بجد معنو يمكن عمرو مايتجاوز ال30 سنه .... وليش قلت تلاتين اقلكم
سارت لخبطه عندنا في المواد في التيرم الصيفي طيب وفجأه الماده الي كان المفروض تخلص في شهر سارت تخلص في شهرين
المهم بوريكم فرق الادراه بس
المدير حق الجامعه لما رحنالو لقينا خارج بدون ماخلص الدوام ..ولما قلنالو ليش ؟ قال بالفم المليان ..الي مو عاجبو يحدف الماده يعني مررررررره لحد يقولي تلت التلاته كم ول على اخلاق هههههههه
فجد يارب انك توريني في كل مدير "سعودي " شايف نفسو توري ايش قاعد يسوي في خلق ربنا وتسوي فيلو يوما ماااااااااااا
خلاص فشيت خلقي خخخخخخخخخ
..................
بشوف موضوع نقاش بسيط عشان كارلا تحب النقاش ههههههههههه
كيف تعامل بنت مراهقه وانتا اخ او في مكان اخ ؟
بالامانه انا سايرلي موقفغريب مو موضوع غريب انو غريب لا ..بس جد بنت صغيره قد أختي ...محتكه فيا بطريقه ثقه عمياء منها
يمكن زي ماكنتو تقولو كلامك يجذب او اي شي تبغو تسمو
ياما جاوبتها جواب عادي وقاسي ولسع ..ومادوي اجرحها بجد لاني خايف عليها تروح لواحد تاني وتتمادا اكتر "يمكن اكون مبالغ " بس جد هدا موقفي
......
مو قصدي اجرح بأحد والله بس والله انا عندي اخوات بعمرها ومو متخيل نفسي في يوم اشوف اختي في دا الموقف...اعرف انو الاهل ليهم دوووووور قوي في الموضوع
يمكن فراغ عاطفه من الام ..خاصه انو صغيره... لو كبيره اقدر اتفاهم معاها بالعقل بس بجد صغيره وانا مو ماعندي خبره لا
وانتو عارفين انو بعض طرق العلاقه معا اخواتي الصغار تعلمتها منكم الله يعطيكم العافيه سواء حيه او المحبه او قموره او شهد او ندى او حتا امل ..بس في الاخير ابقا بطريقه ما بجد جاهل بانو لو سويت حركه خالفت رأيهم يروحو اخواتي يزعلو مني والحمدلله ماسار دا الشي
وبجد مو عارف كيف اسوي معاها غير الكلام القاسي الاخوي ....الي يارب انو تفهمو ^^ وبس
لو في احد عندو نصايح يتفضل عليا فيها كيف تعامل مراهقه بالطريقه الصحيحه عشان لاتخليها تروح من بعدك لواحد تاني ولو بابسط الطرق ..ادري صعب بس عادي قولو الي في خاطركم ^^ يمكن بجد افيدها
...................
كدا خلصت بس بجيب صوره لاختي كيوتي ربي يسعدها
 بجد صوره معبره وروعه ربي يسعدك عليها ^^...والله يحسن خاتمتنا كلنا يارب
.............
واعزي اخويا عبودي على وفاة بنت عمو الله يرحمها ويسكنها الجنه
وهيا تسير اخت دارك عرفتو من المنتدى ... انسان حبيب ربي لا يجبلو ضيقه في حياتو ان شاءالله
الله يرحمها ويسكنها الجنه يارب ويخلينا نلحقها في دار الخلود في جنتو يوما ما
...................
الى لقاء قريب ان شاءالله
بايوووووو ^^
EmooooO 6/10/2008 basketball+Cigar سولام ومساءكم خييييييير
طفشان وماعندي شي وبرضو لقيت انو رعشه منزل بلوج ماعرفت ارد عليه كالعاده ههههه قلت انزل بلوج ليش لا
بخلي ممزوج زي كل مره بين صور +كولام من كلماتي المعتاده جدا جدا جدا هههه مايحتاج اقول
 قبل فتره طبعا... جاتي زكمه وكحه وحراره وحلق وصداع في ان واحد قعدت معايا فوق الاربعه ايام ومافارقتني غير لما هدت حيلي
يعطيهم العافيه كل من سأل عني
جاتني هدي الهديه من اختي كيوتي في اونو
تقول قعدت الفلف في سبيسك ولقيت انك تحب السله ههههههههههههه
فسوتلي دي وذكرتني ايام لما كنت العب سله
 يسلمووووووو طبعا
.........
بتكلم شويا بعد ماشفت الصوره دي عن
ذكرياتي معا السله
ياللله السله فله هههه ايام الكليه ..اتعلمتها بانو شافني مدرب المنتخب اسمو حاتم وهوا مدرب الرياضه برضو ..وقالي انتا مشاءالله شكلك رياضي ..قلت العب قدم بس ..قالي تعال جرب مره ..الحوار دا سار في الطياره لاني قابلتو هناك"ماكنت العب قبل سله مررررررره خير شر " ماعلينا
فدخلت الفريق وسرت العب فيلو مشاءالله يمكن في الاسبوع الواحد نلعب تلاته مباريات او تمارين أطور فيها مستواي وسرت الحمدلله لعيب "مو مغرور صح " هههههه... لين اتخرجت بعدين اشتغلت ... لما اشتغلت وقفت شويه عن الرياضه دي ماعدا في الويك اند
لما سبت الشركه وسافرت ماليزيا ..لعبت هناك يمكن بس في تلاته شهور تلاته تمارين يعني مباراه كل شهر ..وبس رجعت السعوديه
لما رجعت السعوديه تعرفت في النت على اول وحده تلعب سله او كانت تلعب هههه وكانت قموره فكنت بسوي معاها تحدي عيلتي ضد عيلتها ههههه بس ماوفقنا في دي المباراه وسارت مباراه للمجهول خخخخ... ومشاءالله اخوها يلعب اتمنا اني العب ضدو مباراه يوم ما
رجعت انقبلت في الجامعه هنا ورجعت العب اول تيرم بس ... وقتها كانت عندي حيه وتستغرب من شي وهوا .. انو كل ما العب انهزم وي ههههههه ولاااا مره انكسر خشمي وراحت سوت اعلان ياطولو وقالت لرعشه ترا صاحبك خشمو انكسر هههههه
بس للمعلوميه معا الهزايم دي بس صلت للنصف نهائي لاني فزت مباراه من اصل 3خخخخ
كيف وصلنا مدري بس المنظم كان في فريقنا بعدين لعبت اخر مباراه في حياتي وكانت قبل سنه وانهزمنا فيها بفارق 3 نقاط واكنت من احلا مبارياتي .وبس خلصت القصه توته توته الرياضه شي مهم في حياتي اتمنا ماتخلا عنها لاي سبب كان
وهممممم بس هههههه بشوف شي تاني اتكلم عنو
 طيب بالمختصر قاعد اتفرج برنامج 99
رهيب البرنامج دا وحلقة اليوم ارهب عن "التدخين" فله
 بتكلم عن التدخين وشركات بره معا السعوديه من الي سمعتو لاول مره من معلومات
...
ارخص سعر دخان في العالم في السعوديه لدرجه انو في امريكا وفي بريطانيا وصلت سعر البكت لمايقارب ال 20 ريال سعودي لو ماكان اكتر من كدا لاين سمعت مبلغ رهيب 15 يورو والله
وفي ماليزيا انا شفت مالبورو اتوقع بي 9 ريال
الدخان في السعوديه المنتج الوحييييييييد الي يعتبر سعرو ثابت من الابد البعيد بمعنا زيادتو كانت بشكل بسيط مقارنه معا المنتجات التانيه
وقت رمضان نزلت سيجار بمسمى سيجار الصايم "اول مره سمعت الشي دا " بس اهو قدامي قاعدين يقولو كدا
من اجمل المنتجات الي تغري الاطفال في شكلها علب السجاير
والخسمعت انو المديرين في شركات التدخين في الخارج ليهم علاقات قويه معا شركات الصحه داخل السعوديه بمعنى اخر .. ليهم تأثير
كلام خطير والله
بمعنى اقوى لو قلنا انو المنتج " مثلا العاب البلايتيشن " ليها تأثير عقلي سلبي على الاطفال فعشان كدا منعو بعض الاعاب منع تام انو تدخل الاراضي السعوديه " ومالي في موضوع تدخل تهريب والخ" اهم شي انو ممنووووووع من الحكومه
بالله عليكم تأثير التدخين على الاطفال اقوى من التأثير الفكري الي راح يتكرو لعبة بلايستيشن او لا طبعا هدا سؤال ليكم ؟بالنسبه ليا ماتوقع
....
في البرنامج سوو زي الحيله عشان يثبتو كلامهم بالكميرا ..بانهم ارسلو طفل صغير عمرو ماأتجاوز ال 10 سنوات يمكن وادولو ريال واحد وقالو روح اشتري دخان وتعال
اتوقع لو كنا في بلاد غير بلاد عربيه كان طلع خالي اليدين الطفل هدا ..بس للأســـــــــــــــــف
خرج بي تلاته سيجارات بسعر الريال ..ولما دخلو المحل لقو انو بنقالي ماعندو اي قانون من وزارة الصحه في طريقه التعامل معا المنتج الخطيير دا فأستحل الموضوع وسار يبيع بالطريقه دي الي راح يخلي يجمع مايقارب ال 8 ريال على البكت الواحد
الله لا تبلانا على الطمع دا بجد بجد شي محزن
والي محزن اكتر التفرج من وزارات تعتبر من اهم وزارات المملكه
وزااااااااارة الصحه + وزاااااااااارة التجاره
على اي اساس متفقين الوزارتين دي ؟ على اي اساس وزارة الصحه تقبل من شخص زي النهدي انو يفك صيداليات يتعالج فيها المدخن من الي الله بلا فيلو ...ومن وراهم يفك بقالات تكون فيها منتج صرييييييييييح لاسباب السرطان
على اي اساس التدخين في امريكا سارت عليه حمله قويه لدرجة اكتر من 80 مليون مدخن وقفو التدخين ؟ خلال اقل من 5 الى 6 اعوام
نحنا في السعوديه العدد متزايد والي يبغا يتفرج يتفرج شي يبكيييييي
تخيلو زي دا المنتج في السعوديه
 تخيلو في اعياد الفطر والحج ولا حتا بالي يحتفل باعياد الميلاد تجيلو هديه قيمه وفاخره زي دي
قويه ياوزاره قويه الي قاعد يسير بجد
قويه ياوزاره قويه بسكوتك ورضاكي بالملايين ايل قاعد تجي من دا التخدين مقابل سكوتك
قويه ياوزاره قويه على تعاونك معا الغرب بسبب حفنة ريالات عشان ايش هع هع ندخن وننبسط
قويه لو اقولها من هنا لبكره ماخلص
وسلامتكم  خلصت كولام دحين بروح بيت اخويا اتفرج اومم اوربا
تخيلو اختبارات وبطوله عالميه في نفس الوقت ههههه مشكله
الله يوفق الجميع
اسيبكم معا كم صوره للورود لناس مبدعين الله يسعدهم يارب ^^
CUTE^_^
 الريموو
 متا يجي اليوم الي اسير فيلو مصور زي كدا ههههههه مشاءالله تبارك الله عليهم بجد بجد بجد روعه
ولسع في غيرها
بقعد اجيب كل الصور الي تعجبني " على كدا ماراح اخلص" ههههه مشاءالله
نراكم قريبا بلوج صغير حبيت اتكلم فيلو دام مافي احد يسمعلي خخخخ
بايووووو
EmoooO
|
|||||||||||||||||||||||||||||||||||||||||||||||||||||||||||||||||||||
Send a private message
Tell a friend
Add to My MSN
Add to your network
Sign up for alerts
زي مانورتك خخخ <<مشكة الثقة لوووول
|
|
