طيب داك اليوم الي هوا واحد من ايام الاسبوع طبعا كنت طفشان ومافي احد في النت ولا برة النت يعني هيا كمان كانت ساعه بين الساعه 1 الفجر و 1 الفجر اليوم التاني... ملاحظيني اني دقيق في المعلومات صح ..... المهم كنت طفشان جا في بالي اسوي مسابقه بكيفي انا فقلت اوكي حنسوي مسابقه كيييييييييف؟؟؟؟ دحين تفهمو كل شي وطبعا طلعنا الفايز وكل شي

اقولكم كيف يااخوان واخوات فكيت لعبة بنت الكاله للي يعرفها والي مايعرفها راح يشوف الصورويعرفها ... وسويت قرعه على كل اخواني واخواتي الي في النت " استثنيت منهم اسمي طبعا " والي طلع من اسامي 3 لانو حنقي تلاته اسامي بجانب اسمي

رعشه و شهد و حيه تمام

حطيت اساميهم وبسم الله لعبت وقلت الي راح يفوز راح اسويلو هديه وهدا الي راح استخدمو في كول بلوج من بلوجاتي الجيه معا سواء هدي اللعبه او لعبات تانيه هههه وحسوي قرعه كل مره اوكيك فنتابع النتيجه في اول مره مين فاز ومين انهزم

طبعا مسوي الهدايا ...المركز الاول بسويلو هديه و التاني بسويلو ولا شي والتالت برضو بسويلو ولا شي مره هههه والاخير بعطي او برمي بمحش من راسي وبس هههه

فنشوف النتايج في اول مسابقه إيمويه بحته اوكيك تتارااااااااااااااااااا

الحمدلله زي منتو شايفين انو انا الي فزت الي هوا إيموووو 

فراح اخلي محشتي على الشكل التالي للمهزوم الي هوا زي منتو ملاحظين مين ؟ حيووووووو هههههههه

بدور في النت صوره واحط تحتها تعليق على انو محشه في حيه يالله دقيقه بروح ادور برب

 لقيت صوره والتعليق بيكون تحتها هههههه طبعا الحشه الي راح اطلعها مو لازم عليها يمكن على شي راح يسرلها زي الصوره التاليه 

"هدا ولد حيه في المستقبل ...ماخد شويه من صفاتها ايام شبابها وهوا حبو للكمبيوتر "

هههههههههههه

وبس نشوفكم في مسابقه قادمه معا مشاركين جدد ويمكن نفسهم مين عارف ولاني انا الي فزت فطبعا ماراح اعطي لنفسي هديه اوكيك ^^

شي جديد ابدأو هممممم ايوه صح ...  تراني قاعد استنا قصه رعشه الي طلبتها شموخ منو فياريت يكون خلصها

.........................................

ايش كومان ياربي همممم طبعا الاختبارات جات خولاص فدعواتكم لكل شخص عندو اختبار

على سيرة الاختبارات شهد يوم ميلادها 18 من الشهر هدا "شايف كيف افتكرت عيد ميلاد ههه عن طريق الاختبارات فله ".....الله يطول عمرها في طاعتو يارب... فحبيت اهديها شي محفوظ عندي ليها  ولما يجي وقتها راح ان شاءالله نباركلها بهديه جديده مننا  

احلى شعر قريتو لشهد في حياتي برأي

ألام الحنون

نبدا باسم الله

يانجمةٍ تضوّي الليـل بسناها
ياوردةٍ فاح العطر بشذاهـا
ياغنوةٍ تطرب القلب بنداهـــا
ياطفلةٍ تسرق القلب بحلاهــا
لا لمحت الطيف فز قلبي لنظرها
وجروح قلبي بالحشا احدٍ مادراها
وان قالت الآه كل جسمي بكاها
وتصرخ ضلوعي بالحشا (شهد) فداها
ماهو قصايد ولا حروف مكتوبة غلاها
غلاها
مشاعر من القلب تفيض ويعجر لساني من ذكراها
مابقلبي اغلى من هواها
الغاليين ابيعهم لجل شرواها
واتنعم برضا ربي علي في برها وطاهر دعاها
ياا الله تحفظ لي دعوةٍ في مشارف الأرض وعلواها
يااا الله تحفظ لي أمي ووفقني ياارب لرضاها ..

،،،،،،،  

وكمان انصحكم تقروا الشعر هدا في سبيسها الي كانت بدايتو كالتالي 

على شط البحر جلست اتأمل في وصوفه    انثر ثرى ورمال تداعب العطر اللي في كفوفه

بجد روعه وعجبني المقطع هدا ومره حطيتو توبك في ايميلي ههههه... و تقدرو تقرو بنفسكم للي ماقري بالضغط على اللينك في الشعر لو تحبو

كل عام وشهد بخير حتا لو كنت مرررره بدري هههه بس اخاف ماانزل بلوج وقتها بسبب الاختبارات فنسبق الوقت قلنا ^^ 

ايش كومان همممممممم ارحب بعودة ندووو ويارب تتوفق في امورها كلها يارب ولكم باك يااختي ندووووو هههه

تقولي او تسميني الرجل الي يحب السرعه ههههههه

كل واحد فينا فيلو عيب راح يطفش زوجتو او زوجها بيلو طبعا...... وعيبي انا السرعه والله فياريت لو احد عندو حل جديد غير انتبي وشوف ولد فلان سرلو حادث والخ يقولي هوا اوكيك اخاف في المستقبل تروح "أم العيال" تشتكيني عند ابوها هههه حلوه ام العيال فله 

............................

دايما اقول لرعشه اتكلم عن صفات الي تبغاها في زوجتك بس هوا الله يهدي يخجل ويقول لا لا لا 

فانا بقول شي غير صفاتها حقول امنيه لو اتحققت كويس مااتحققت عادي لانو الي يجي من ربنا حلو 

اتمنا من ربي انو يرزقني اول مولود بنت فيها من الصفات الطيبه الي شفتها في كل وحده فيكم وعيون سمر هههههههه 

يارب بجد ... والله لا دلعها اكتر من عيالي وحخليها ملكة زمانها دلوعة ابوها يعني البنت برأي عمله نادره في البيت.... والله تدخل الفرحه على قلب كل اسره مو زي الاولاد برأي بلااااااخ بعضهم هههه ..... مو قصدي انتقد قصدي على فرحة جو البيت والله مايكمل سبحان الله لو مافيلو بنت في الموضوع غير الام .... فنقول يارب ترزقني بنتوه كدا حلوه تكون نور بيتي في المستقبل .... وتراني منقي الاسم من دحين ههههه وماراح اقولو طبعا

ولا تحاول يارعشه لو جبت بنت وانتا عندك ولد احلم تقولي زوجنا هيا اوكيك يطلع ولدك عبيط زيك كدا وحساس وحالتو حاله فاهو قلتلك من دحين لا تحط نفسك في موقف بااااااااااايخ في المستقبل 

خلصت مواضيعي اتمنالكم عام سعيد على " للكل" الله يسعدكم يارب

يالله الى لقاء قريب في بلوج جديد معنو هدا مريح البلوج لانو صور بس هههه فتكو بعافيه

بايوووووووووو

EmooooO 

صباحكم مبارك ومعطر بكل أنواع الورود طبعا مااقول كدا من فراغ هههه بس حبيت أفكركم انو العيد جا على بكره فأيش نقول؟؟

كل عام وانتو طيبين أن شاءالله وصحه وسلامه يارب

زمان عن مساحتي والله السبب الاول كان الكليه والتاني كان اهمال بسيط مني يارب مايتكرر وأحاول اواكب المواضيع أول بأول

طيب أول شي أحب ابارك طبعا للكل بالعيد السعيد عيد ألاضحى المبارك وسويت دي البطاقه وللأمانه هيا فكرة شهد الله يخليها لينا يارب

فأنا أستغليت الفرصه وزودت أسامي على البطاقه من عندي يارب تسعدكم طبعا ^^

http://www.moq3.com/img/up112007/UvV63558.gif

والي ماأنذكر أسمو يعرف انو سقط سهوا من القلم لكن بجد غلاكم لسع موجود ^^

طيب من زمااااااااااااااان ودا الموضوع كان لازم يسير معا شهد ههه لأنو مشاءالله عليها بجد انسانه متعاونه وحركيه يعطيها العافيه  فدا موضوع مشترك بيني وبينها وبين رعشه على شكل مسابقه بسيطه

 للي يحب يشاركنا فيها طبعا واتمنا من الكل المشاركه في التصويت وراح برضو نخلي التصويت من خارج النت " يالله شهد على عيلتك وعيلتي هههه" و نجيب اسواط كتيره ندوخ الي يحسب خخخخخ

الفكره ببساطه كانت موضوع كتابة شعر بسيط معا وضع صور للشعر

كان التصويت راح يكون على الاتنين بس تم التغير لانو رعشه شارك بشعر جاهز فسارت مسابقة أفضل صور للشعر كامل... يعني تحسو أنو الصور كانت معبره اكتر عن الشعر ككل ... انا راح اذكر اسم كاتب الشعر لكن الصوره لمين هوا الي ماراح اذكرو فياريت تصويتكم يكون لأحلى تركيب للصوره على الشعر

أتمنا فهمتو  ....يالله نبدأ

أول شعر كان شعر لشهد

خذ هذي يدي بيدك يا صاحبي تعال     نرسم لوحة للمستقبل بلا ريشة ولا ألوان

فيها قمر ضواه يلحن بالوفا  موال     وسط  ليل ٍ  نجومه  تعزف بالعهد أشجان

فوق طير للمحبه يغني عالبحر يامال       بين جناحينه ميثاق به ما تفرقنا الازمان

يحملنا انا وانت لعالم بعيد عن العذّال     نضحك ونبكي ونتشارك في الافراح والاحزان

ادفي بردك بحناني واكون للطيب منهال      تبادلني الغلا  وتقطف لي أحلى ورود البستان

عطرها  يمرجحني للسما والبدر يستنى الوصال       وعلى خده نتلاقى و الفرحه  عليه تبان

تاني شعر كان لإيمو بس برضو للأمانه شهد ساعدتني فيلو كتيييييييييير هههههه لانو مشاءالله عليها في الشعر ليها لمسه حلوه وجا في الكلام

أناظر ومعي صاحبي لنجمة أضوت سما
                             نجمه أميرة ماتركت لباقي النجوم حلا

نسيت الي معي جالس وسهيت في ملامح السنا
                               غطت على فكري أبتسامه خذتني من كل الملا

وضحت عندي الصورة لما  زاد ضواها ضوى
                                والعجيب انه ضوى ماهو علي بغريب فقلت ياهلا

صوبتني من ضواها بسهام في الحشا
                                منها تنهدت وعرفت ان عيوني تناظر للغلا

باسمها بعالي الصوت ناديت انا
                               من كثر ماكنت  خارج من شعوري اللي اعتلا

كنت اعيش احلى احلامي بكل هنا
                             للأسف منها صحاني صاحبي وهو ينادي بلا هبلنه

أما اخر بيت هههه دا قصه قلنا نبغا كوميدي وطلعت واحد كومدي فيلو كلمه خمبقه والخ ههههه بس قلنا دا احلا يالله هههه

أخر شعر كان من تنقية رعشه طبعا مو من كتاباتو زي الي فاتت

( أصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!
لكنها صارت كذا ! واللي (( اهم )) اني دريت :

ان الحياه فبعداحبابك اذا جف الوصال
اتعيشها لو تقتنع انك خلااص اصبحت ( ميت !!)

خلصت الجزء داك .... جزء أخير او موقف من الذكريات الي حصلت في النت ههههه

قبل فتره بعيده قريب السنه .... دوبي متعرف على حيه ماسنجر تمام ... المهم كلكم تعرفو إيمو كيف يحب يتكلم و يقعد دودودوود... الي حصلو انو داك اليوم ساكت غريبه مني طبعا دوبي متعرف عليها فما كنا نتكلم كتير ... شويه جاني منها كلام لاحظو ايش سار.....

جاني منها اول شي سلام عليكم ..مين معايا ... حيه مهي في 

انا قلت طيب؟ احسبها تمزح ..... الشخص الي ورا جهازها يقول والله مهي في ويقعد يقول حيه مهي في ..انا استغربت لانو حسبتها تمزح قلت طيب خير يعني ههههه قلت وانا كمان مني في

تعرفو ايش طلع هههه الي ورا الجهاز اخوها ابو الجماجم ويحسبني صاحبة حيه ههههه " حينبسط رعشه يقول اختي" هههه وسرت انا ابغا ادرك فسار يقولي ياربي البنات انتو كلكم كد مزعجين ..قلتلو مو كلنا مزعجين يعني بعضنا هههههه بجد قعدت اضحك من قلبي ههههه المهم كان قاعد يذاكر وداخل نت وقتها وسار يقولي الواحد مايعرف يذاكر في ولا ايش وانا ساكت " رهيب ابو الجماجم " هههه عاد قالي مدري ايش المهم انو كان قافله معا بسبب الدراسه وشكلو شاف صاحبة حيه قال خلينا نتكلم وللعلم انو الباب حق الغرفه كان مقفل من قبل السجانه حيه هههههه عشان يذاكر بس طلع ماذاكر وقاعد يتكلم معا مين " صاحبة حيه" ههههه

ومن خلال دا الموقف قصدي عرفت اسمها الحقيقي   لانو اخوها مو قاعد يقول حيه لا قاعد يقول مثلا رنا الجهني مو في هههههه وشغال وانا عرفت اسمك من هناك

 ولما جات قالت ايش قاعد تبربر معا ااخويا وقالت كمان قالك اسمي ياحبيبي هههههههه انا قلت ماسويت شي هوا الي جا وانبرش عليا فله ههههه

بحاول لو قدرت المره الجيه اجيب صور لدي المحادثه معا مفاجأه لمحادثه كومان جديده من صنع شهد خخخخخخ وإيمو طبعا

كدا نكون خلصنا

وللي راح يحج كل عام وانتو بخير والله يسهل عيكم حجتكم يارب

والي قاعد يارب يتقبل الاعمال الصالحه وصيامكم يارب وحغيب فتره طبعا بس قليل هههه لانو حعيد في بيت جدتي الطايف

فنراكم على خير الى ذاك الوقت

بايووووو

EmooO

وعد قطعتو لشخص واهو نفذتو

 ^^

طيب موضوع تاني على شكل استفتاء

اليوم فتاه بقلب ونص وتلاتة ارباع جابتلي موقع على اساس اشوف موضوع المهم قريت الموضوع بس كان في استفتاء بسيط داخل الموضوع وهوا كدا

هل تؤيد تغيير الاجازه الاسبوعية الى يومي الجمعه والسبت؟

طبعا دا الاستفتاء داخل السعوديه

على اساس انو عرفت من شيخه انو خلاص اطبق في الكويت واعتقد انو في  البحرين كمان اطبق بس يبغالي اتاكد من المحبه على دي المعلومه كمان بس من جد البقيه ايش رأيكم؟ راح اجبلكم نتيجة التصويت وانا ايش قلت

33.46%  قالو نعم أأيد والعدد كان (1367)و

39.71% قالو لا أؤيد والعدد كان (1614) و

26.65% قالو امتنع عن التوصيت والعدد كان (1083)و

اجمالي التوصيت كان 4064

طبعا مااقول وزي منتو عارفين دي يمكن نتيجه مهي صحيحه على اساس يمكن الامانه في انو الشخص يصوت مرتين وكدا بس انا كان جوابي لا أؤيد بصراحه وكان سببي انو جربت الاجازه في غير يومين الخميس والجمعه ....فترة لما كنت في ماليزيا طبعا جربت أجازة السبت والاحد كانت همم يعني جديده عليا بس معا فترة 3 شهور صدقوني حسيتها ممله ........ صعب التغير فجأه والتغير فجأه عواقبو راح تكون وخيمه مثل غيابات والخ

سألت شيخه ايش الفرق قالت ولا شي وقتها اللهم انو يعطونا اجازه هههههه وصراحه كلامها حق وحقيقي

بس ليش مايسوو استفتاء رسمي على دا الامر والله جد فله هههه اعرف قاعد احلم انو ياخدو رأي الشعب في شي زي كدا بس مدري مو احسن انو يكون دا شي خاص بالشعب ككل سواء اجنبي او غير اجنبي وكلنا عارفين انو الفكره منها شي واحد وهيا اجازة المسليمن واجازة غير المسلمين

على اساس انو الجمعه يوم عيد يعتبر على حسب علمي ولو كلامي غلط احد يصلحني مو مشكله و السبت عيد الغير مسلمين

وصلنا لدرجة انو نلبي رغبات الي داخل البلد من غير اصلنا على رغباتنا ولا حتا نقاسمهم الرغبات مااعتقد انو دا شي صحيح

طبعا زي منتو ملاحظين دخلت موضوعين في بعض الاول هل تؤيد التغير ...والثاني اعتراضي على انو نقاسم الاجنبي في مميزاتنا .. على  اساس انو هما جو عندنا لازم يحترمو اشيائنا مو نحنا نتغير عشانهم .......لما نحنا نروح عندهم نحترمهم على اساس تقاليدهم ومالينا فيها سواء ايش ماكانت ^^

 أدري انو موضوعو غريب هههههههه بس حبيت اكتب بشكل مختصر عن فكرتي بانو معارض التغير بسبب دخول وزارة التجاره العالميه عندنا

لأنو الوزراه راح تزيد من رقي صناعه امة اشلها فكرة انو نرضي جميع الاطراف داخل البلد في الموضوع؟ ياحظك لو كنت امريكي بس اخ ^^ ياويلي خخخخخخ

.............................

مدام جبنا سيرة شيخه فنقول أنو فرحنا بالسمعه الي سمعناها حقت رجعتها الدايمه للسبيسات ههههههه ياانو دي البنت ليها معزه طبعا ^^

وكمان على سيرة الاجازه سمعت أنو رعشه بيروح يسكن في الكويت خولاص  أيش شووووووف السالفه بأااا؟؟؟؟  

همممم أيش كمان همم أعتقد والله اعلم انو عيد ميلاد  أمـــــل جا ولا انا غلطان والله معرف هههه انا متلخبط بين يومين وهما

يوم 24 و يوم 27 هههههههه  سوري اموووووووله بس على العموم لو هوا صح نقولك كل سنه وانتي طيبه و دي احلا هديه اقدر اقدمها... جايني كسل بانو اسوي هدايا عيد ميلاد هههههههه

أموووووووووووووووووله كل سنه وانتي طيبه ومعليش لو كنت متأخر بس السبب مكتوب فوووووووق هعوهعوهوعهوعهوع خخخخ

كل سنه وانتي طيبه اعرف ماسويتو حفله لانو رمضان احسن برضو ايش تبغو بحفلة عيد ميلاد والخ هههه بس يارب انو يكون عام طيب عليكي ويكون كمان هممم كدا حق نجاح وفله   ^^

هممم أيش كمان طيب همم على فكره في سبيس حيه اقترحت شي نسوي قبل العيد معرف الي يوافقني عليه يرفع يدو

صدقتو ترفعو يدكم اقول نزلوها

اقترحت انو كل واحد يكتب شي بخط يدو عن العيد وننزلها معا بعض ويكون تجمع حلو وبسييييط خخخخ

طبعا حيه حطت في راسها انو ماتشارك غير لما رعشه يشارك فانا اهو اتمنا انو رعشه يشارك عشان البقيه يشاركو ولو مايبغا شي راجلعو لكن اتمنا من الكل لو يحبو يسووها يكون تمام وكمان منها يالله نسوي مسابقة احسن خط ههههههه ايش قلتو ؟ فكره لو وافقتو عليها تمنا تقولو تم هههههههه

شوفو فضاوة ينبع ههههههه

دا عبدالله اخويا جاني قبل شويه واداني جوالو "طبعا محد بيعرف قصة جوالي من برة الجروب فبلا فضايح " ههههه

المهم جاني ورمالي جوالو وراح انا حسبتو راح. ..فقعدت اكتب البلوج اكمل فيلو يعني شويه اسمع صوت عند الباب اطالع الاقي عبدالله لساعو موجود استغربت  ايش قاعد يسوي دا ههه لما رحتلو لقيتو يرسم على الباب قلتلو يافاضي ههههه عاد انا قلت لازم اصورها وانزلها في بلوج يعني برضو زيادة سطور خخخخخخ

وبعدين رسم رسمه تانيه وقلنا برضو نصورها

وعاد انا قلت راح ارسم وحده في يوم ما جمبها الين نملي الباب رسمات بالهبل ويسير نسوي لوحه راح نتغرم عليها قبل مانسيب الغرفه هههههههه بس ايش نقول غير ..... فاضيييييييييين ^^

طيب عندي كم شي ضفتو هنا عشان خاطر رعشه حبيبي البي

طبعا ليش قلت حبيب البي لأنو راح تفهمو

 يعني من بعد دا الكلام اي احد يحب ويموت في رعشه لا يفكر فيلو لانو ميت فيا خخخخخخخخخ ترا مو قاعد احدد احد والي على راسو بطحا يحسس عليها خخخخ

.......................

بقولكم تحفه من تحف رعشه

قبل فتره مهي لا بعيده ولا قصيره تمام جيت لرعشه وقلتلو نبغا نروح نشتري كوسه حقت الكوسه المحشي على اساس انو هوا الخبير

المهم رحنا المحل ودخلنا وقلتلو انو ابغا اشتري الكوسه ... عاد قلي طيب اشتري جيت انا سألو بكل ارياحيه على اساس انو هوا الخبييييييير وقلتلو الكوسه المحشي الصغيره ولا الكبيره؟

 عاد هوا ماصدق وجاوبني على طول المحشيه هيا الصغيره ..قمت اخدت داك الكيلو ورحت لابويا مبسوط واديتو الكوسه الي هيا صغار صغار ............... طالع فيا ابويا وقال: ايش دا؟

قلتلو كوسه محشي ....طالع فيا وقال: يعني تبغاني انا وامك نقعد نحشي الكوسه الصغيره دي بملعقة شاهي روح رجعها يا ..تووووت تووت محذوف الكلام طبعا هههههه

نرلت لرعشه وقلتلو ياخي الكوسه المحشي طلعت الكبيره .....قالي وانا ايش دراني ههههههه .........وفوق دا كنت احسبو خبيبير ..قال خبير قال مالت عليك

هدا أغلب الي في البلوج

أخر شي للزوار الي يزوروني واروح ابغا ازورهم ويطلع سبيسهم مايقبل الكومنتس طبعا خليتهم زوار هههه كلهم زائره عزمتني على حفله في سبيسها ا أسمها

P!nKy sM!Le

والله كتبتلك كومنت طويل من كومنتاتي الهبلا هههههه بس مره مو راضي ينزل مدري ليش

اتمنا تعذريني وان شاءالله بحاول ازورك مرات كتيره

والكومنت حافظو عندي هههههه كنت بكتبو في الجيست بوك بس بطلت.. قلت ان شاءاله يصلح موضوع الكومنت

نشوفكم على خييييييييير

بلوج منوع فله هههههه مشي حالكم ^^

بايووووووو

EmooO