رسالة شكر إلى وردتي السعيده

كنت ماشي لحالي شايل همي وأفكاري ... لمحت في وسط بستان خالي و رده جميله

 لأجل لا اكــون حـاسـد صليـت على النبـي ... وجاريت هوا نفسي وقطفتها بأبتسامه عليله

 وش الي جـذبنــي لهــل الجـمــال الرباني؟ ... جاوبت نفسي يأنها شبيه الملاك .. أو الروح الخميله

الروح الي اضفت ذكريات سعيده فحياتي ... ذكريات مليــانه محبـــه وسرور وضحــكه طويــله

كل يــوم تضحك معي وتشيل عني كل ضيقتي ... دمعي على خدي يسري وانا اودع هالورده الاصيـله

وانا بعيد عنها بالحيل توحشني وعالبال تطري ... ياعــالم لو تدرون وش كـثر لها وحشه ثقــيله

جا اليوم الي انكــسر فيــه خاطري ... لاني بداخلي حسيت أيامها صارت قــليـــله

ياترى أهو لتربتك ياغاليه أشتقتي؟ ... ولا تراكي اشتقتي لذيك السما الظليله 

ياغاليه ماودي انحرم من ذيك الابتسامه العزيزه ... بــس الـمهـم انـــك ماتـكونـــي بدنيــتي ورده ذليــــله

حتى لو دمع عيني نزل على فرقاك أيام ... ياغاليه لا تفكري انك كنتي بيوم ذكرى أليمه

رغم أنــك يــاوردتي عن عيني بعــيده ... لكن بطيب ريحتك تركتي أثر كل العمر مايزيله

الف شكر على الايام والليالي السعيده ... وزي ماأبتديت بأنتهي بأنك وردتي الجميله

 

 زي منتو شايفين للي يعرف القديمه غيرت فيها شويه ...مو لازم تكون احلوت اي شي ههه بس مشاءالله لقيت انو التعديل مهما كان يكون حلو اتوقع ... فبس قلت اجرب وان شاءالله تكون عجبتكم

 طيب وبكدا خلصت المقطع دا

شهر MAY

وذكرياتو معايا قليله بس اغلب الوقت يكون شهر ياخد مني ايشي احبو هههه رهيب

ومنها كان دا الشي

رعشه يعرف انو دا قدام بيت حماده او فيمتو هههههه ..ماعلينا

زي دا اليوم  بس بكره او اتوقع يوم 24 مو فاكر والله المهم انو دا الشهر  خخخخخخ المهم

مبسوط بتخرجي وطاير من الفرحه طاير ... قلت لامي بروح اشتري جوال هديه التخرج قالت حاضر بس بعد خمسه ايام قلت حاضر ...عدت الخمسه ايام وجا يوم الي اتوقع انو 24ماي قلت فله يالله هاتي ههههه ...اخدت بطاقتها وشغلت السياره ورحت شارع فلسطين واشتريت الجوال وكان معايا صديقي ياسر ...لما خلصنا قلنا بنروح نتعشا ..قلنا نروح يمين ولا يسار قلنا نروح يمين تاني هههههه وسبحان الله وانا ماشي سار الي سار رحت السياره ..ادري قصه قديمه بس وحشتني الدبه السياره والله هههههه وان شاءالله ربي ييرزقني غيرها يوما ما ..متا الله العالم بس هدي قصة شي حبيتو اخدها مني شهر ماي

وايش يجي بعد شهر ماااي؟ صح جون ههههههه

سبيسي الشهر الجي رايح يكمل تلاته سنوات مشاءالله عليا ... خلال دي السنوات تعرفت على اشخاص بجد بجد ليهم افضال عليا كتييييره ... مقدر احصيهم في اسامي بجد لانو كولو ساعدني بطريقه ما ... منهم موجود ومنهم غايب ومهم راح يغيب .. كتبت وفرحت وزعلت وكل المشاعر كانت موجوده هنا بطريقه ما .... وان شاءالله تبقا موجوده ... اي احد يعرف انو محمد يحبو ويعزو يعرف انو مهما كان وضعو في سبيسي راح يكون انسان ادعيلو مدى الحياه ... أحب اشكركم شخص شخص فرد فرد على كل شي ...ربي يسعدكم ويحفظكم كووووووولكم بلا منازع من الي مرو في حياتي السبيسيه من اعوام 2005 الى 2008 مشاءالله عمر

طيب من الاشياء الي احب اسويها وتزعل اي شخص يعزني

السرعه

 بصراحه احسها في دمي معرف ليش ..مو شي اقولو افتخر فيلو لا والله ..بس بجد امنيه انو يكون عندي سياره سريعه مرررررررره عشان امشي في خط طويل قولو يمكن هممم 300 كلم على ساعه هههههه ...شايف ندى تسوي ياخي انتا مجنون هههههه

بس اتوقع كلنا فينا عيوب نحنا نماطل فيها معنو عارفين انو غلطانين .. اتوقع رعشه ياما قال انو عارف انا غلطان بس يعني بما معنا براحتي وليش قلت رعشه لانو الوحيد عارف انو عندو دا الشي ...فاني اقول السرعه اكبر الاشياء الي تزعل الكل مني بس معاند فيها ....

فالي يحب يقول شي خاص فيلو يتفضل ويعطينا شي يسوي يزعل التانين منو ومو عارف يسيبو سواء عمل او حركه او اي شي

مقتطفات برامج بايخه

طبعا في الاخير هوا رأي الشخصي أبدأها بي برنامج

 بالصراحه راحه ....... معا جويل

 بصراحه بصراحه بصراحه لو تطالع نفسها راح اطلع فيها عيوب القضا من لبس ...تعرفو ليش؟ لانو مافي شي اسمو الصراحه احلا في "ذوق" ايوه قولي رأي احلا او اي شي بس صراحه احلا معرف والله البرنامج ماعليه خلاف براحتهم ان شاءالله يسوو الي يبغو بس بجد معترض على ليش هيا مااعترضت على نفسها لسع ههههههه ...ياريت لو ينقرض البرنامج بجد..لانو اصلا تقليد لبرنامج غربي " كما تعودنا مافي ابتكار" ونقلد ولو قلدنا نفشل .... بجد برنامج سيء وبايخ ومالو معنى  

مدى الحياه

الللللللللله الللللله ....بجد بجد بجد عنصر دسم لاي احد يبغا يحش هههههه ...انا معرف والله من فين جاتو جرأه دا هشام بدايه كل حلقه يقول " عندك استراتيجيه معينه"؟ ياهووووو ايش ايش هههههههههه لا يكون مخطط من البيت يلعب 4-4-2 وانا مدري ههههههه ياخي بجد بجد قبح الله وجه مبتكر هدا البرنامج ...معرف ايش خلو من القمار والالعاب الي تعتمد على الحظ ..بجد الدنيا سارت فيها الغلط صح مهما مشينا راح نشوف العجب ... مااقول غير الله يقوي المتسابقين على "الذكاء "الي رايحين يستخدمو لما يكونو على الستيييييييج... بشوف نهاية راتب العمر دا  دنياااااااا

برنامج جا في دبي والله نسيت اسمو

البرنامج ماعليه خلاف بالنسبه انو غنائي بس من كتر ماني كرهتو نسيت اسمو هههههه

وزي محنا عارفين انو الغناء ساير اهم شي عند العرب مشاءالله عليهم ناوين نوصلو القمر لاول مره في تاريخ العالم..لدرجه سرنا نقول يارب نمووت في اغانينا ... زي ماقال راشد الماجد ومعرف ليش قال كدا بصراحه " أدعي علي بالموت ولا سبني " بجد بجد لاي درجه من الانحطاط سرنا ننقي كتابات اغانينا؟ ساير تمشي عكس التيار الي كنا نتوقعو ..في اغاني حلوه بجد وكلماتها حلوه وعاديه تكون يعني لو في نطاق حبني احبك ... بس تجي مذيعة الام بي سي خديجه مسكينه والله داك اليوم قاعده تقول "ادعي علي بالموت" المركز الاول هههههههه ...ياعالم ادعي عليكي بالموت ليش وي ههههه والله غريب عجيب راشد واسم الاغنيه بالتحديد معرف معرف بجد كيف وافق تكون في البومو الي ينزل على مستوى العالم ...تخيلو يوم زواج تشغلو في الزفه " مين زود الحب بينهم طبعا" ادعي علي بالموت ...ولا مو بس كدا ههه فيها "ولا سبني "طيب يابقره اهو سبييتك ههههه والله غريبين

نرجع لبرنامج دبي اتوقع انو برامج الغنا سارت كتيره وهدا جا زودها قبح ..لانو مايعتمد على صوت لا ..اي احد حافظ يجي يشترك ..برنامج كومدي بطابع غنائي اتوقع لو كانت ام كلثوم على قولت الناس افضل مغنيه عربيه" عايشه" كان اعتزلت الغنا على اساس انها سيدة الطرب وماراح يرضى السيد انو يشوف اهلو متشوهين بالطريقه هدي ..اتوقع انو  برنامج راح يفشل

وغيرها من برامج بجد لو قلت لائحه ياطولها ماراح اخلص

برامج احب اتابعها

TOP GEAR و صدى الملاعب و قناه الجزيريه الوثائقيه ببرامجها التاريخيه والسياسيه و ديسكوفري شانيل بجميع برامجها و البرامج الكومديه الاجنبيه و

بجد كلها برامج برأي الشخصي شفافه وتناقش او تعرض بطريقه جميله المواضيع ^^ زودو لو تحبو اسماء برامج سواء هبلا او جميله براحتكم هههههه

ايش كومان ياإيمووووو

طبعا حمدلله على سلامة اهل ماليزيا لانو رجعو اتوقع بيقعدو شهر وشويه اجازه .. يالله ان شاءالله ينبسطو فيها

والف مبروك لصاحبي ابو جميل وظيفتو الجديده + زواحو يوم الربووووووع هههههه سار في عداد المتزوجين وراح يسحب عليا هههههه

الله يوفقو يارب

بس هدا كل شي اتوقع حفرت مخي ماطلع شي ههههه ..الله يوفق الجميع

نراكم قريبا يارب

سولام ^^

EmooO

الادعاءات تقول انو العفركوش ابن فرتكوش  متوفر في بيتنا بشكل خطير ههههههههه بسم الله طبعا

في المستقبل احكيكم قصة إيموو وعفركوش لاعب الكوره  ترقبوها

احم احم السلام عليكم يا ربع ^_^

.

.

وناسه كلامي مكتوب بسبيس إيمو هيهيهي

.

.

تيب تيبون تيبات ما اتول عليكم نخوش بالموضوع الاول على طول

.

.

اهم اهم = احم احم

.

.

في قديييييم الزمااااان لما كان الناس مو ناس هيهيهي سوري خلاص بجد

.

.

في قديم الزمان في زمن العصور الوسطى كان في بنت اسمها أمل اللي هي جالسه تقص لكم القصه اللحين ^_^

كانت مدمنه بشكل غير معقول على قصص الجن وكل شي يتعلق بالجن

وفي يوم من الأيام مسكت غلط معها وقامت الأخت بعمل شي مجنون

اللي هو انها جربت وكانت تبغى تعرف كيف الجن يخرج للإنسان

المهم كان عندها شريط فيه أصوات للجن وهيك حركات وكان الشريط عبارة عن شيخ بجلسه اخراج للجن لعدة أشخاص

المهم في واحد من الجن قال للشيخ انو يبغى يغني اغنيه لآخر مره

الشيخ وافق والجني غنى بلغه غريبه وصوت مره يخوف

المهم أمل الهبله حفظت كلمات الأغنيه وقامت بالليل وقبل أنا تنام تغني

ونام وبكل ثقه نامت << مسويه قويه

وجاكم العلم الصحيح أنواع الأصوات والصراخ << راحت فيها أمل

ولكن الحمد لله ربي رحمني ولم أموت بذيك الليله ^^

..

القصه الثانيه

مره من المراريت يوم كنت بثاني ثانوي كنت وكالعادة جالسه أتفرج على شريط فيديو عن الجن ويوم خلصت منه رحت أسمع شريط عن الجن كمان ويوم خلصت رحت أقرأ كتاب عن الجن كمان ما تبت ^^

المهم بعد ما خلصت حسيت بيد كبييييييييييييره تعطيني كف على وجهي

و ما اهتميت للموضوع عادي عندي المسأله خخخخخ

وعندما ذهبت لكي انام جاءتني العلوم والرياضيات والسوالف ^_^

بقول لكم بالتفصيل عشان تعيشون اللحظه معي

بالبدايه كان نور الغرفه طافي والمكان ظلاااااااااااااااااااااام

ومافي أحد بالغرفه غيري وهدوء فجاءه سمعت صوت ضحك طفل صغير وراي يخررررررررررررررع << قلبي وقف وطاح ببطني

وانا من الخوف انشليت عن الحركه وبقيت منسدحه بسريري و متخشبه

بعدين حسيت بأحد يسحب مني الغطاء من تحت وأنا اسحب و متمسكه بالغطاء بقوووووووه ما احد يتصورها وبهذيك اللحظه اسمع اصوات ناس يتكلمون بس مدري ايش يقولون كلام غريب وعااالي

وانا أحاول أقول بسم الله الرحمن الرحيم  والله مافي أمل تطلع بذيك اللحظه

المهم بعد كل هذي المشاحنات و المضاربات بيني وبين الجن تركوني بسلام ... أي سلام بس لقيت جرح بيدي كبير والله مدري كيف جا ^_^

.

.

ههههههههههههههه أتحداكم بعد اللي صار لي أنام بمكان ظلام لحالي او انام لحالي مافي امل طيروا بس

.

.

وسلامتكم ^-^ هاف فن وذ ريدنيق

THHHHHHHHHNKS AMOOOLH SISTER ^^

...................

وبكدا اكووووون خلصت بلوجي المخوفاتي ههههههههه

اخر اهداء قبل لا اختم الله يتقبل من شيخه عمرتها يارب

ويتقبل من الجميع صالح الاعمال

ويوفق الي لسع عندهم اختبارات اولهم شهد وينجحهم يارب هيا واخواتها واخوانها و اخوان البقيه

ويارب قموره تجيب فل مارك في كل المواد

ونشوف ضحكة المحبه تنور مره تانيه في كول موكان

اتمنا اسمع من البقيه اي موقف زي كد لو في قصدي خاصه من رعشوش و حيووووو هههههه

والبقيه كومان

نشوفكم على الف خير يارب

بايووووووو

EmooooO

الراقصين فوق هم رعشه واتباعو هههههههههه